بلوچستان سے دہشتگردوں کے ہاتھوں اغوا ہونے والے افراد تاحال لاپتا


کوئٹہ (قدرت روزنامہ)بلوچستان کے تفریحی مقام شابان پکنک پوائنٹ سے 20 جون کو دہشتگردوں کے ہاتھوں اغوا ہونے والے 10 نہتے شہریوں میں 7 تاحال لاپتا ہیں۔
مغویوں میں سے 6 افراد کا تعلق کوئٹہ کے ایک ہی خاندان سے تھا۔ ان افراد میں کوئٹہ کے رہائشی شیخ شان رضا کے 3 بیٹے فرحان رضا، حسن رضا اور ریحان رضا شامل تھے۔
مقامی میڈٰیا میں چھپنے والی رپورٹس کے مطابق اغوا ہونے والے 10 افراد میں سے 3 عبدالبصیر، محمد حارث اور حسین کو چھوڑ دیا گیا تھا جو اپنے گھر پہنچ گئے۔
دریں اثنا شیخ شان رضا نے سوشل میڈیا پر ایک ویڈیو شیئر کی ہے جس میں انہوں نے بتایا ہے کہ وہ بنیادی طور پر پنجاب سے ہیں لیکن کوئٹہ ہی میں پیدا ہوئے اور رہائش پذیر ہیں۔
انہوں نے بتایا کہ عید پر ان کے 3 بیٹے فرحان،ریحان اور حسن پنجاب سے آئے 3 مہمانوں کو لے کر پکنک پوائنٹ گئے تھے تاہم جیسے ہی وہ اپنی موٹرسائیکلوں سے اترے دہشتگردوں نے ان کے 3 بیٹوں، ایک بھتیجے اور 2 مہمانوں کو اغوا کرلیا۔
شیخ شان رضا نے بتایا کہ وہ سارے نوجوان مختلف چھوٹے موٹے کام کرکے اپنا رزق کمارہے تھے۔
انہوں ںے کہا کہ دہشتگردوں نے پہلے ان کے بیٹوں و دیگر کے شناختی کارڈز چیک کیے اور پھر انہیں ساتھ لے گئے اور ان کا تاحال کوئی پتا نہیں ہے۔
ان کا کہنا تھاکہ آج 26 دن ہوگئے ہیں لیکن ان کے بیٹوں سمیت 6 افراد بازیاب نہیں ہوسکے۔ انہوں نے مطالبہ کیا کہ حکومت ہمارے پیاروں کی بہ حفاظت واپسی کے لیے کوشش کرے۔

Recent Posts

نرگس فخری بالی وڈ کے کس اداکار کے ساتھ کام کرنا چاہتی ہیں؟ اداکارہ نے بتادیا

ممبئی(قدرت روزنامہ) بالی ووڈ کی معروف اداکارہ نرگس فخری نے ان اداکاروں کے نام بتائے…

5 hours ago

شاہد کپور اور وشال بھردواج کی میگا ایکشن فلم میں ٹرپتی ڈھمری بھی شامل

ممبئی(قدرت روزنامہ) بالی وڈ اداکار شاہد کپور نے تصدیق کر دی ہے کہ وہ وشال…

6 hours ago

بلاول اپنے نانا کے بنائے آئین کو دفن کررہے ہیں، شاہ محمود قریشی

لاہور(قدرت روزنامہ) پی ٹی آئی رہنما شاہ محمود قریشی نے کہا ہے کہ بلاول اپنے…

6 hours ago

‘شاید میں نے خود بھی اپنے ٹیلنٹ سے انصاف نہیں کیا، قومی کرکٹ ٹیم کا وہ پہلا کرکٹر جس نے اپنے ہی خلاف بیان دے دیا

فیصل آباد(قدرت روزنامہ)پاکستان کرکٹ ٹیم کے آل راؤنڈر فہیم اشرف نے کہا ہے کہ شاید…

6 hours ago

سونے کی عالمی اور مقامی مارکیٹوں میں قیمت تاریخ کی بلند ترین سطح پر پہنچ گئی

کراچی(قدرت روزنامہ)سونے کی عالمی اور مقامی مارکیٹوں میں قیمت تاریخ کی بلند ترین سطح پر…

6 hours ago

شاہ محمود قریشی نے بھی مولانا فضل الرحمان کو خراج تحسین پیش کردیا

لاہور(قدرت روزنامہ)پاکستان تحریک انصاف کے رہنما شاہ محمود قریشی نے کہا ہے کہ بلاول اپنے…

6 hours ago