اسلام آباد(قدرت روزنامہ) وفاقی کابینہ نے 126 ممالک کے شہریوں کے لیے ڈیجیٹل ویزا کی منظوری دے دی۔وزیراعظم میاں محمد شہباز شریف کی زیر صدارت وفاقی کابینہ کا اجلاس ہوا جس میں 6 نکاتی ایجنڈے پر غور کیا گیا۔
کابینہ نے 126 ممالک کے لیے ڈیجیٹل ویزا دینے کی منظوری دے دی۔ 126 ممالک کے بزنس اور ٹورسٹ کیلئے پاکستان میں مفت ویزا انٹری ہوگی۔ وفاقی کابینہ نے اس حوالے سے وزارت داخلہ کی سمری منظور کر لی۔
وزیراعظم نے کہا کہ حکومت کاروبار میں آسانیاں پیداکرنے کے لئے پوری طرح کوشاں ہے اس حوالے سے وزارت داخلہ اور متعلقہ وزارتوں اور حکام نے ایک بڑا قدم اٹھاتے ہوئے ویزہ رجیم میں بڑی تبدیلی کی ہے،اس پر سب مبارکباد کے مستحق ہیں۔اس کے تحت 126 ممالک کے تاجروں،ٹریولرز اور سیاحوں سے ویزہ فیس نہیں لی جائے گی۔اس سے بیرونی سرمایہ کاری بڑھے گی، ویزہ پالیسی میں نرمی کے فیصلے سے پاکستان باہر سے آنے والوں کے لئے پرکشش مقام بن گیا۔
انہوں نے کہا کہ یہ ایک بڑا فیصلہ ہے اوروہ اس میں شامل سب کو خراج تحسین پیش کرتے ہیں۔ اس کے ساتھ الیکٹرانک فارم کے ذریعے 24 گھنٹے میں ویزہ مل جائے گا۔
ممبئی(قدرت روزنامہ) بالی ووڈ کی معروف اداکارہ نرگس فخری نے ان اداکاروں کے نام بتائے…
ممبئی(قدرت روزنامہ) بالی وڈ اداکار شاہد کپور نے تصدیق کر دی ہے کہ وہ وشال…
لاہور(قدرت روزنامہ) پی ٹی آئی رہنما شاہ محمود قریشی نے کہا ہے کہ بلاول اپنے…
فیصل آباد(قدرت روزنامہ)پاکستان کرکٹ ٹیم کے آل راؤنڈر فہیم اشرف نے کہا ہے کہ شاید…
کراچی(قدرت روزنامہ)سونے کی عالمی اور مقامی مارکیٹوں میں قیمت تاریخ کی بلند ترین سطح پر…
لاہور(قدرت روزنامہ)پاکستان تحریک انصاف کے رہنما شاہ محمود قریشی نے کہا ہے کہ بلاول اپنے…