آئی سی سی نے ٹی ٹوئنٹی ورلڈ کپ کیلئے انعامی رقم کا اعلان کر دیا فاتح ٹیم کو کتنی بڑی انعامی رقم ملے گی ، تفصیلات سامنے آگئیں

اسلام آباد (قدرت روزنامہ) آئی سی سی نے ٹی ٹوئنٹی ورلڈ کپکیلئے انعامی رقم کا اعلان کر دیا ۔فاتح ٹیم کو کتنی بڑی انعامی رقم ملے گی ، تفصیلات سامنے آگئیں ۔ نجی ٹی وی رپورٹ کے مطابق آئی سی سی کی جانب سے ٹی ٹوئنٹی ورلڈ کپ کیلئے انعامی رقم کا اعلان کر دیا گیا ہے ۔ آئی سی سی کے مطابق ایونٹ کی فاتح ٹیم کو 16لاکھ ڈالر ملیں گے ۔ دوسری جانب ادھر ٹی ٹوئنٹی ورلڈکپ کے لیے پاکستان کرکٹ ٹیم کے اسکواڈ میں شامل صہیب مقصود کمر کی تکلیف میں مبتلا ہوگئے۔ ذرائع کے

مطابق صہیب مقصود کو ایم آر آئی اسکین کے لیے ہسپتال لایا گیا، صہیب مقصود کو چلنے میں بھی مشکل پیش آرہی ہے۔ ذرائع کے مطابق ٹی ٹوئنٹی ورلڈکپ میں صہیب مقصود کی شرکت کا فیصلہ رپورٹ کے بعد کیا جائے گا۔ذرائع کا کہنا تھا کہ صہیب مقصود کے ان فٹ ہونے کی صورت میں حیدر علی ممکنہ امیدوار ہوسکتے ہیں۔ذرائع کے مطابق چیف سلیکٹر محمد وسیم کی ہیڈ کوچ ثقلین مشتاق اور دیگر کوچز کے ساتھ میٹنگ ہوئی جس میں کپتان بابر اعظم اور نائب کپتان شاداب خان نے بھی شرکت کی۔ نجی ٹی وی کے مطابق قومی اسکواڈ میں تین تبدیلیاں کی گئی ہیں اور اعظم خان اور حسنین کو ڈراپ کر دیا گیا ہے۔ پی سی بی کے اعلامیہ کے مطابق سرفراز احمد اور حیدر علی کو پندرہ رکنی اسکواڈ کا حصہ بنایا گیا ہے، اس کے علاوہ ٹریول ریزرو میں موجود فخر زمان کو خوشدل شاہ سے تبدیل کرکے پندرہ رکنی اسکواڈ میں شامل کیا گیا ہے۔ تبدیلی کے بعد اب پندرہ رکنی ٹیم میں بابر اعظم کپتان اور شاداب خان، آصف علی، فخر زمان، حیدر علی، حارث رؤف، حسن علی، عماد وسیم، محمد حفیظ، محمد نواز، محمد رضوان، محمد وسیم جونیئر، شاہین شاہ آفریدی، سرفراز احمد اور صہیب مقصود شامل ہیں۔ ریزرو کھلاڑیوں میں خوشدل شاہ، شاہنواز دھانی اور عثمان قادر شامل ہیں۔