بشنوئی گینگ نے سلمان خان کے قتل کیلئے کرائے کے قاتلوں کو کتنی رقم ادا کی ؟ تحقیقات میں بڑا انکشاف

ممبئی (قدرت روزنامہ) بالی ووڈ کے دبنگ سٹار سلمان خان کی رہائش گاہ پر فائرنگ کے کیس میں ایک بڑی پیش رفت ہوئی ہے۔

نجی ٹی وی ایکسپریس نیوز کے مطابق چند روز قبل ممبئی کی خصوصی عدالت نے گینگسٹر لارنس بشنوئی کے بھائی انمول بشنوئی اور اُن کے گینگ کے ایک اہم رُکن روہت گوڈیرا کے خلاف ناقابلِ ضمانت وارنٹ جاری کیے تھے۔ممبئی پولیس نے انمول بشنوئی اور روہت گوڈیرا کو چارج شیٹ میں بھی نامزد کیا تھا، اب اس چارج شیٹ میں شوٹرز کو سلمان خان کے قتل کے لیے دی گئی رقم کے حوالے سے اہم انکشاف ہوا ہے۔
میڈیا رپورٹس میں بتایا گیا کہ ممبئی کرائم برانچ کی جانب سے عدالت میں جمع کروائی گئی چارج شیٹ کے مطابق گینگسٹر لارنس بشنوئی نے سلمان خان کے قتل کے لیے اجرتی شوٹرز کو 20 لاکھ بھارتی روپے کی ادائیگی کی تھی۔چارج شیٹ میں بتایا گیا کہ لارنس بشنوئی نے 6 اجرتی شوٹرز کو سلمان خان کے قتل اور اُن کی رہائش گاہ پر فائرنگ کا ٹاسک دیا تھا۔

اس سے قبل چارج شیٹ میں بتایا گیا تھا کہ انمول بشنوئی نے فون کال کے ذریعے شوٹر وکی گپتا اور ساگر پال سے 9 منٹ تک تقریر کی تھی۔1735 صفحات پر مشتمل چارج شیٹ کے مطابق انمول بشنوئی نے شوٹرز سے کہا تھا کہ وہ سلمان خان کی رہائش گاہ پر حملے کا کام اچھی طرح سے کریں، یہ کام مکمل ہونے کے بعد، آپ لوگ تاریخ لکھیں گے۔

چارج شیٹ میں بتایا گیا تھا کہ انمول بشنوئی نے یہ کہہ کر وکی گپتا اور ساگر پال کی حوصلہ افزائی کی تھی کہ وہ یہ حملہ کرکے ‘مذہبی کام’ سرانجام دیں گے۔

واضح رہے کہ 14 اپریل کی صبح 5 بجے ممبئی کے علاقے باندرہ میں سلمان خان کی رہائش گاہ گلیکسی اپارٹمنٹ کے باہر موٹر سائیکل سوار 2 مسلح افراد نے تین راؤنڈز فائرنگ کیے تھے اور پھر دونوں افراد فرار ہوگئے تھے۔

بعدازاں، پولیس نے سی سی ٹی وی فوٹیج کی مدد سے ملزمان کو گرفتار کرلیا تھا، دورانِ تفتیش معلوم ہوا تھا کہ فائرنگ کے پیچھے گینگسٹر لارنس بشنوئی کا ہاتھ ہے۔

Recent Posts

پاکستان میں ٹیسٹ سیریز کے دوران انگلینڈ میں بین اسٹوکس کےگھر چوری ہوئی

لندن (قدرت روزنامہ)انگلینڈ کی ٹیسٹ ٹیم کےکپتان بین اسٹوکس کے گھر چوری کی واردات ہوئی…

3 hours ago

عمران خان کی اہلیہ بشریٰ بی بی پشاور سے لاہور پہنچ گئیں

لاہور (قدرت روزنامہ)پاکستان تحریک انصاف (پی ٹی آئی) کے بانی عمران خان کی اہلیہ بشریٰ…

4 hours ago

بنوں کے علاقے بکا خیل میں آپریشن،8خوارج ہلاک،میجر سمیت3جوان شہید

راولپنڈی (قدرت روزنامہ)سیکیورٹی فورسز نے خوارج کی موجودگی کی اطلاع پر ضلع بنوں کے علاقے…

4 hours ago

شادی کے 35 سال بعد علیحدگی کی خبروں پر فردوس جمال نے ردعمل دیدیا

کراچی (قدرت روزنامہ)لیجنڈری اداکار فردوس جمال نے اہلیہ کے خلع لینے کی خبروں کی تردید…

4 hours ago

190 ملین پاؤنڈ ریفرنس: 33 ویں پیشی پربھی تفتیشی افسرپر جرح مکمل نہ ہوسکی

راولپنڈی (قدرت روزنامہ) پاکستان تحریک انصاف کے بانی عمران خان اور ان کی اہلیہ بشریٰ…

4 hours ago

جوڈیشل کمیشن، سیاسی جماعتوں کی جانب سے دیئے گئے نام سامنے آگئے

اسلام آباد (قدرت روزنامہ) سابق وزیر اعظم عمران خان نے جوڈیشل کمیشن کیلئے2ناموں کی منظوری…

5 hours ago