پولیس نے چنگچی رکشہ میں خاتون کو ہراساں کرنے والا ملزم گرفتارکرلیا

لاہور(قدرت روزنامہ) صوبائی دارلحکومت میں گارڈن ٹاؤن پولیس نے چنگچی رکشے میں خاتون کو ہراساں کرنے والا ملزم گرفتارکرلیا، ملزم نے گچی رکشہ میں سوار ہوکرخاتون سے دست درازی کی،پولیس نے ملزم اعجاز کیخلاف کاروائی کا آغاز کردیا۔ تفصیلات کے مطابق پولیس نے چنگچی رکشہ میں خاتون کو ہراساں کرنے والا ملزم گرفتارلیا ہے، ملزم اعجاز کو گارڈن ٹاؤن پولیس نے گرفتار کیا۔
خاتون نے واقعے کے خلاف درخواست میں مئوقف پیش کیا کہ ملزم نے شیخ ہسپتال سے میراپیچھا کیااور ہراساں کرتا رہا۔ملزم نے چنگچی رکشہ میں سوار ہوکر دست درازی کی۔پولیس نے ملزم کو گرفتار کرکے کاروائی کا آغاز کردیا گیا ہے۔ اس سے قبل 27 اگست 2021ء لاہور پولیس نے چنگچی رکشہ میں لڑکی کے ساتھ دست درازی کرکے فرار ہونے والے ملزم کا خاکہ جاری کیا اور ملزم کا خاکہ شہر کے تمام تھانوں کو بھجوایا گیا تھا، ملزم کی عمر 20 سے 25 سال بتائی گئی۔

اسی طرح خواتین کے ساتھ دست درازی اور نازیبا سلوک کا واقعہ لاری اڈا کے قریب بھی پیش آیا تھا، پولیس نے لاری اڈا کے قریب چنگچی رکشے میں سوار خاتون سے دست درازی کی ویڈیو بنانے والے دو ملزمان کو گرفتار کیا تھا، گرفتار ملزمان عبدالرحمان عرف زبیراور عرفان حسین کا تعلق منڈی فیض آباد ننکانہ سے ہے، ملزمان نے ویڈیو ٹک ٹاک پر اپ لوڈ کرنے کیلئے بنائی تھی ، ملزمان راوی روڈ پر فیملیز کے ساتھ آنے والی خواتین کے ساتھ چھیڑخانی کرتے رہے اور ٹک ٹاک پر اپ لوڈ کرنے کیلئے متعدد خواتین کی ویڈیوز بھی بنائیں۔