اسحاق ڈار اور میر سرفراز بگٹی نے کوئٹہ میں سولڈ ویسٹ مینجمنٹ پروجیکٹ کا افتتاح کردیا

کوئٹہ (قدرت روزنامہ)کوئٹہ میں سولڈ ویسٹ مینجمنٹ پروجیکٹ کا افتتاح کردیا گیا ، ڈپٹی وزیر اعظم محمد اسحاق ڈار اور وزیر اعلٰی بلوچستان میر سرفراز بگٹی نے افتتاح کیا۔اس موقع پر وزيراعليٰ بلوچستان مير سرفراز بگٹي نے كها كه منصوبے کی تشکیل اور عمل درآمد کے لئے تین ماہ کا مختصر وقت دیا گیا ۔بہت مختصر وقت میں عوامی نوعیت کا اہم منصوبہ شروع کرنے پر کمشنر کوئٹہ اور ان کی ٹیم مبارکباد کی مستحق ہے۔بلوچستان میں عوامی مشکلات کو کم کرنے کے لیے بنیادی سہولیات کی فراہمی پر توجہ دی جاررہی ہے۔ کمشنر کوئٹہ ڈویژن حمزہ شفقات نے بریفنگ ديتے هوئے كها كه کوئٹہ میں شروع ہونے والا یہ منصوبہ پاکستان میں اپنی نوعیت کا پہلا پروجیکٹ ہے ۔وزیر اعلٰی بلوچستان میر سرفراز بگٹی کے احکامات پر تین ماہ کی ریکارڈ مدت میں منصوبے پر کام شروع کردیا گیا۔آج سے صوبائی دارالحکومت کوئٹہ میں نجی کمپنی گھر گھر سے کوڑا کرکٹ جمع کرے گی ۔کوئٹہ سے روزآنہ 16 سو ٹن کچرہ اٹھایا جائے گا جس پر حکومت کے کوئی اضافی اخراجات نہیں آئیں گے۔میونسپل کارپوریشن اور نجی کمپنی کثیر الجہتی اقدامات کے ذریعے صوبائی دارالحکومت کو صاف ستھرا رکھنے کے لئے کام کریں گے۔ڈپٹی وزیراعظم اسحاق ڈار کی جانب سے کوئٹہ میں جدید سولڈ ویسٹ مینجمنٹ کے منصوبے کے آغاز پر اظہار مسرت ۔ڈپٹی وزیر اعظم اسحاق ڈار نے كها كه وزیر اعلٰی بلوچستان میر سرفراز بگٹی کی سربراہی میں صوبائی حکومت عوامی مسائل کے حل کیلئے متحرک کردار ادا کررہی ہے۔کوئٹہ ویسٹ مینجمنٹ کے منصوبے سے عوام کو صفائی ستھرائی کی بہتر سہولیات میسر آئیں گی ۔افتتاحی تقریب میں اسپیکر قومی اسمبلی سردار ایاز صادق، وفاقی وزیر تجارت جام کمال خان، اسپیکر بلوچستان اسمبلی عبدالخالق اچکزئی، صوبائی وزراء، اراکین اسمبلی، مشیران اور چیف سیکرٹری بلوچستان شکیل قادر خان سمیت اعلیٰ حکام کی شرکت۔