سینٹرل جیل کراچی میں قیدیوں نے جوش اورجذبے کے ساتھ جشن آزادی منایا

کراچی (قدرت روزنامہ)سینٹرل جیل کراچی میں بھی جشن آزادی تقریب کا انعقاد کیا گیا،جہاں قیدیوں نے جوش اورجذبے کے ساتھ جشن آزادی منایا، ملی نغموں پر جھوم اٹھے اورایک دوسرے کوکندھوں پراٹھا لیا۔
تفصیلات کے مطابق یوم آزادی کے موقع پر سینٹرل جیل کراچی میں بھی جشن آزادی تقریب کا انعقاد کیا گیا۔
تقریب میں شریک ڈپٹی سیکریٹری داخلہ سندھ شبیرجان جسکانی نے قیدیوں سے خطاب میں کہا کہ آج عظیم دن ہے جو بڑی محنت اورقربانیوں کے بعد ملا ۔ سینٹرل جیل میں آپ لوگوں کو اس طرح جشن مناتے دیکھ کر خوشی محسوس ہوہی ہے.
انھوں نے مزید کہا کہ یہ محکمہ جیل نہیں بلکہ اصلاح مرکزبھی ہے، دنیا میں تصور تبدیل ہو گیا ہے کہ لوگوں کو جیل میں قید کیا جائے، معاشرے میں کوئی فرد غلطی کرتا ہے اس کے لیے قانون موجود ہے اور یہ قانون انسان کی فلاح کے لیے بنے ہیں، قانون میں وہ شخص پھنستا ہے جو غلطی کرتا ہے لیکن غلطی کرنے والے کے لیے بھی اصلاح کا موقع موجود ہے۔