صوبے کے 30 ہزار نوجوانوں کو ہنر فراہم کرکے روزگار دیں گے، سرفراز بگٹی

کوئٹہ(قدرت روزنامہ)وزیراعلیٰ بلوچستان میر سرفراز بگٹی نے وزیراعلیٰ سیکرٹریٹ میں پریس کانفرنس کرتے ہوئے کہا ہے کہ صوبے میں بے روزگاری کی شرح کم ہوگی۔ ضلعی سطح پر ٹاپ کرنے والے طلبہ کو بھی مواقع فراہم کرینگے بہت جلد لوگوں کو تبدیلی کے اثرات نظر آئیں گے انہوں نے عوام سے اپیل کی کہ وہ سازشوں کا حصہ نہ بنیں ا خوت پروگرام لائے ہیں جس کے تحت نوجوانون کو بزنس ماڈلز دیں گے ،
یہ نوجوان ملک بھر میں کہیں بھی کسی بھی شعبے میں اپنا بزنس کرسکیں گے ،بلوچستان کے 30ہزار نوجوانوں کو ہنر فراہم کرکے انہیں بیرون ملک بھیجیں تاکہ وہ اپنے گھر، صوبے اور ملک کیلئے کام کریں۔ علاوہ ازیں وزیر اعلی بلوچستان میر سرفراز بگٹی نے وزیراعلی سیکرٹریٹ میں پریس کانفرنس کرتے ہوئے کہا ہے کہ سرداربہادر خان ویمن یونیورسٹی میں میرٹ پر آنے والوں کو ہی بھرتی کریں گے ۔یہ بلوچستان کے عوام کے ساتھ میرا وعدہ ہے کہ محکمہ تعلیم اور محکمہ صحت میں جو صرف کنٹریکٹ پر بھرتیاں ہو ں گی۔ کسی معاشرے کو تقسیم کرنے کی اجازت نہیں دی جائے گی ۔
اس کے لئے تمام اسٹیک ہولڈرز کو آگے آنے کی ضرورت ہے ۔ علاوہ ازیں وزیر اعلی بلوچستان میر سرفراز بگٹی نے وزیراعلی سیکرٹریٹ میں پریس کانفرنس کرتے ہوئے کہا ہے کہ چمن بارڈرز کو منیج کیاجائے یہ ہماراآئینی حق ہے تاہم مسائل پر بات کرنے کیلئے تیار ہیں۔چمن کے لوگ ہمارے ہیں ہم ان کے ساتھ بات کرینگے ،چمن کے لوگوں کے پاسپورٹس کیلئے 9کروڑ روپے جاری ہوچکے ہیں ہم عوام کی خدمت کا سلسلہ جاری رکھیں گے ۔