کراچی (قدرت روزنامہ)کراچی کے علاقے لانڈھی مجید کالونی میں کرنٹ لگنے سے انتقال کرجانے والے گلزار نامی شہری کی بیٹی نے سٹی کورٹ میں سینیئر سول جنوبی کی عدالت میں کے الیکٹرک کے خلاف ہرجانے کا دعویٰ دائر کردیا ہے۔
درخواست گزار نے مؤقف اپنایا ہے کہ کے الیکٹرک کی نااہلی کے باعث ان کے والد کا کرنٹ لگنے سے انتقال ہوا۔
درخواست گزار کے وکیل عثمان فاروق ایڈووکیٹ کے مطابق مرحوم گلزار لانڈھی مانسہرہ کالونی کا رہائشی تھا اور ڈرائیور کی نوکری کرتا تھا،20 جولائی کو کام سے واپس گھر جاتے ہوئے مجید کالونی میں کرنٹ لگنے سے جاں بحق ہوا۔
عثمان فاروق ایڈووکیٹ کے مطابق سڑک پر جمع پانی میں بجلی کا تار گرا ہونے سے کرنٹ موجود تھا، واقعے کی وڈیو بھی سوشل میڈیا پر موجود ہے، ریسکیو اداروں نے بڑی مشکل سے جاں بحق شہری کی لاش وہاں سے نکال کر اسپتال منتقل کی۔
درخواست گزار کے وکیل کا مؤقف ہے کہ بجلی کی فراہمی اور انفراسٹکچر کی مرمت کے الیکٹرک کی ذمہ داری ہے، کے الیکٹرک کی نااہلی کے باعث 6 بچوں کا باپ اور گھر کا واحد کفیل جان سے گیا، مرحوم کی بیٹی نے کے الیکٹرک کے خلاف جان لیوا حادثات ایکٹ کے تحت دعوی دائر کیا ہے۔
درخواست گزار نے کے الیکٹرک کے خلاف 3 کروڑ 92 ہزار روپے ہرجانے کا دعوی کیا گیا ہے۔
درخواست گزار نے عدالت میں مؤقف اپنایا ہے کہ انہوں نے پولیس کو کے الیکٹرک کے خلاف ایف آئی آر درج کروانے کی درخواست دی، پولیس واقعے کا مقدمہ درج نہیں کررہی، عدالت پولیس کو کے الیکٹرک کے خلاف مقدمہ درج کرنے کا حکم دے۔
اسلام آباد(قدرت روزنامہ)وزیراعظم پاکستان کے مشیر برائے سیاسی امور رانا ثناء اللہ کا کہنا ہے…
اسلام آباد (قدرت روزنامہ) وزیراعظم شہباز شریف نے کابینہ میں ردوبدل اور اضافے کا فیصلہ…
اسلام آباد(قدرت روزنامہ)وزیر دفاع خواجہ آصف نے کہا ہے کہ آرمی ایکٹ ترمیمی بل کی…
واشنگٹن (قدرت روزنامہ)جب دفتر جاتے ہوئے راستے میں آپ کو یاد آئے کہ لنچ باکس…
کراچی(قدرت روزنامہ)ملک میں آج سونےکی فی تولہ قیمت میں اضافہ ہوا ہے۔آل پاکستان جیمز اینڈ…
لاہور (قدرت روزنامہ)شوہر کے مبینہ تشدد کا شکار اداکارہ نرگس ہسپتال پہنچ گئیں۔اداکارہ نرگس…