تبادلہ مارکیٹ میں ڈالر کی قیمت میں دوسرے روز بھی کمی

انٹربینک میں ڈالر کی قیمت 278 روپے 25 پیسے ہوگئی
کراچی (قدرت روزنامہ)تبادلہ مارکیٹ میں ڈالر کی قیمت میں دوسرے روز بھی کمی دیکھی جارہی ہے۔
کرنسی ڈیلرز کے مطابق کارباری ہفتے کے دوسرے روز بھی تبادلہ مارکیٹ میں روپے کی قدر میں اضافہ ہوگیا، انٹر بینک میں ڈالر20 پیسے سستا ہو گیا، جس کے بعد ڈالر کی قیمت 278 روپے 25 پیسے ہو گئی۔ گزشتہ روز کاروباری دن کے اختتام پر ڈالر کا ریٹ 278 روپے 45 پیسے پر بند ہوا تھا۔
دوسری جانب اسٹاک مارکیٹ میں کاروبار میں مثبت رجحان دیکھنے میں آیا ، اسٹاک ایکسچینج کے 100 نڈیکس میں 65 پوائنٹس کا اضافہ ریکارڈ کیا گیا جس سے انڈیکس 77 ہزار 896 کی سطح پر پہنچ گیا۔