پشاور(قدرت روزنامہ)خیبرپختونخوا کابینہ میں ردوبدل اور تقرری کی سمری کو پانچ روز گزرنے کے باوجود سمری پر اب تک گورنر نے نہ زبانی منظوری دی اور نہ ہی دستخط کیے۔
ذرائع کے مطابق گورنر کے پی 2 ستمبر تک پنجاب کے دورے پر ہیں، سمری پر دستخط نہ ہونے کا سبب گورنر کے پی کی صوبے میں عدم موجودگی ہے۔
ذرائع کے مطابق اس سے قبل گورنر شہر سے باہر ہونے کی صورت میں زبانی منظوری دے دیا کرتے تھے جبکہ ماضی میں گورنر کے شہر یا ملک سے باہر ہونے کی صورت میں سمریاں منظوری کیلئے اسکین کرکے بھیجی جاتی رہی ہیں۔
سرکاری ذرائع کے مطابق وزیر اعلیٰ کے پی علی امین گنڈا پور نے ایک مشیر اور چار معاونین خصوصی کی تقرری کی سمری گورنر خیبر پختونخوا کو بھیجی تھی جو انہیں 26 اگست کو موصول ہوئی تھی۔
گورنرخیبرپختونخوا فیصل کریم کنڈی نے جیو نیوز سے گفتگو میں کہا کہ وزیراعلیٰ روزانہ ٹافیوں کی طرح وزارتیں بانٹتے ہیں، وزیراعلیٰ کو جلدی ہے لیکن انہیں کوئی جلدی نہیں۔
ان کا کہنا تھا کہ پشاور واپس آکر سمری دیکھ کر دستخط کریں گے۔
واضح رہے کہ وزیراعلیٰ کے پی نے احتشام علی کو مشیر، پیر مصور غازی، سہیل آفریدی، نیک محمد اور ہمایوں خان کو بطور معاونین خصوصی کابینہ میں شامل کرنے کی سمری گورنر کے پی کو بھیجی تھی۔
اسلام آباد (قدرت روزنامہ)چیف آف آرمی اسٹاف جنرل سیّد عاصم منیر سے روس کے نائب…
اسلام آباد (قدرت روزنامہ)سینیئر سیاستدان و سابق وفاقی وزیر شیریں مزاری نے بھی افغان قونصل…
اسلام آباد (قدرت روزنامہ) سی پی پی اے نے بجلی کی قیمتوں میں کمی کی…
پشاور (قدرت روزنامہ) خیبرپختونخوا کابینہ نےمجوزہ آئینی ترمیم کےخلاف سپریم کورٹ میں درخواست دائر کرنے…
اسلام آباد(قدرت روزنامہ) وزیر قانون اعظم نذیر تارڑ نے کہا ہے کہ جسٹس قاضی فائز…
ممبئی(قدرت روزنامہ)بالی ووڈ اداکار ویویک اوبرائے نے انکشاف کیا کہ انہیں انڈرورلڈ سے سنگین دھمکیاں…