ادیتی راؤ حیدری نے سدھارتھ کا شادی کی پیشکش کا انداز بتادیا

ممبئی(قدرت روزنامہ)بھارتی اداکارہ ادیتی راؤ حیدری نے ساتھی اداکار سدھارتھ کی طرف سے شادی کی پیشکش کا انداز بتادیا۔

بھارتی میڈیا رپورٹ کے مطابق سماجی رابطے کی ویب سائٹ پر ادیتی راؤ حیدری نے سدھارتھ کی طرف سے شادی کی پیشکش سے متعلق ایک وضاحتی نوٹ جاری کیا۔اداکارہ نے بتایا کہ وہ سدھارتھ کے ساتھ کچھ سالوں سے ڈیٹنگ کررہی ہیں ہم نے حال ہی میں منگنی کی ہے، اُس نے میری پسندیدہ جگہ پر گھٹنے کے بل بیٹھ کر اور ہاتھ پھیلا کر شادی کیلئے پروپوز کیا۔

حالیہ انٹرویو میں ادیتی راؤ حیدری نے اپنے اور سدھارتھ کے تعلق پر بات کی اور بتایا کہ اُس نے مجھے شادی کی پیشکش کس انداز میں کی تھی۔اداکارہ نے بتایا کہ میں اپنی نانی کے بہت قریب تھی، جنہوں نے حیدر آباد میں ایک سکول شروع کیا تھا، چند سال پہلے اُن انتقال ہوچکا ہے۔

ادیتی راؤحیدری نے مزید کہا کہ سدھارتھ جانتا تھا کہ میں اپنی نانی کے کتنی قریب ہوں، ایک دن مجھ سے پوچھا کیا میں نے اُن سے مل سکتا ہوں؟ ہم وہاں پہنچے جہاں بچپن گزارا تھا، نرسری سیکشن سے اوپری منزل پر وہ گھٹنے کے بل بیٹھ گیا۔اداکارہ نے کہا کہ اس کی اس حرکت پر میں نے پوچھا، کیا کھو گیا ہے؟ جسے ڈھونڈنے کیلئے بیٹھ گئے ہو، کیا تمہارے جوتے کے تسمے کھل گئے ہیں؟اس پرسدھارتھ نے مجھے پیار سے مخاطب کیا اور کہا آدو، میری بات غور سے سنو، اور پھر اُس نے مجھے پروپوز کیا۔