اسلام آباد ہائیکورٹ ، اسلامی نظریاتی کونسل میں خاتون ممبر کی عدم شمولیت ،سیکرٹری قانون اور قبلہ ایاز سے جواب طلب

اسلام آباد(قدرت روزنامہ)اسلام آباد ہائیکورٹ نے اسلامی نظریاتی کونسل میں خاتون ممبر کی عدم شمولیت کے خلاف درخواست پر سیکرٹری قانون اور چیئرمین اسلامی نظریاتی کونسل قبلہ ایاز کو نوٹس جاری کرتے ہوئے دو ہفتے میں جواب طلب کر لیا . اسلام آباد ہائیکورٹ کے جسٹس عامر فاروق نے اسلامی نظریاتی کونسل میں خاتون ممبر کی عدم شمولیت کے خلاف درخواست پر سماعت کی .

شہری ماہم علی خان کی جانب سے زینب جنجوعہ عدالت میں پیش ہوئیں . زینب جنجوعہ کے وکیل نے عدالت کو بتایا کہ اسلامی نظریاتی کونسل میں خاتون ممبر کی عدم شمولیت آئین کے آرٹیکل 228 کے خلاف ہے، اس وقت کونسل کے 12 ممبر ہیں لیکن کوئی خاتون شامل نہیں . عدالت نے نوٹس جاری کرتے ہوئے کیس کی مزید سماعت دو ہفتے کیلئے ملتوی کردی . . .