پی ٹی آئی کے صدر بیرسٹر گوہر ‘شعیب شاہین اور شیر افضل مروت كي گرفتاري كي شديد الفاظ ميں مذمت كرتے هيں‘بلوچستان بار کونسل

کوئٹہ (قدرت روزنامہ)بلوچستان بار کونسل کے جاری ایک بیان میں اسلام آباد پولیس کی جانب سینئر وکیل سابق وائس چیئرمین اسلام آباد بار کونسل سابق صدر اسلام آباد ہائیکورٹ بار ایسوسیشن شعیب شاہین کو ان کی چیمبر سے گرفتار کرنے پی ٹی آئی کے صدر بیرسٹر گوہر اور شیر افضل مروت سمیت دیگر سیاسی کارکنوں کی گرفتاری کی شدید الفاظ میں مذمت کرتے ہوئے کہا کہ اسلام آباد پولیس کا یہ اقدامات نہ قابل برداشت ہے بیان میں کہا کہ شعیب شاہین ایک ذمہ دار اور اہم عہدے پر فائض رہے ہیں وہ وکلاء تحریک میں اور سیاست میں سرگرم عمل رہے ہیں سیاسی کارکنوں وکلاء کو اسٹیبلشمنٹ کے ایماء پر گرفتار کرکے پابند سلاسل کرنا باعث تشویش ہے بیان میں کہا کہ اسلام آباد انتظامیہ بوکھلاہٹ کا شکار ہے پاکستان ایک جمہوری ملک ہے اور پاکستان کا آئین ہر کسی کو سیاست کرنے پرامن جلسہ کرنے جلسے سے خطاب کرنے کی اجازت دیتا ہے موجودہ حکومت کا یہ اقدام بدترین آمریت ہے بلوچستان بار کونسل نے اسلام آباد انتظامیہ سے مطالبہ کیا کہ وہ شعیب شاہین بیرسٹر گوہر سمیت تمام سیاسی کارکنوں کو فوری رہا کرے چیمبر میں گھس کر وکیل رہنما کو گرفتار کرنے والے تمام اہلکاروں کے خلاف کارروائی کرے