اسلام آباد (قدرت روزنامہ)سابق وزیراعظم عمران خان نے تمام پارٹی رہنماؤں کو اسٹیبلشمنٹ کے ساتھ رابطے ختم کرنے کی ہدایت کردی۔
ذرائع کے مطابق سابق وزیراعظم عمران خان نے گزشتہ ہفتے پارٹی رہنماؤں کو ہدایت جاری کرتے ہوئے کہا کہ وہ اسٹیبلشمنٹ کے ساتھ ہر قسم کا رابطہ ختم کردیں۔
ذرائع نے بتایا کہ عمران خان نے پی ٹی آئی مذاکراتی کمیٹی کو صرف اسٹیبلیشمنٹ کے ساتھ رابطے کی ہدایات دی تھیں تاہم گزشتہ روز انہوں نے اسٹیبلشمنٹ کے ساتھ مذاکرات کا دروازہ بھی بند کرنے کا اعلان کردیا ہے۔
ذرائع نے بتایا کہ عمران خان نے گزشتہ ہفتے اسٹریٹیجی کمیٹی کو یہ پیغام دیا تھا کہ کسی رہنما کا بھی اسٹیبلشمنٹ کے ساتھ پارٹی یا ذاتی سطح پر رابطہ ہے تو وہ ختم کردیا جائے۔
عمران خان کی جانب سے اس سخت مؤقف کی وجہ مذاکرات کی دعوت کے باوجود معاملات حل نہ ہونا اور بار بار یقین دہانیوں کے باوجود اس سے پیچھے ہٹنا بتایا جارہا ہے۔
خیال رہے کہ سابق وزیراعظم عمران خان کی جانب سے صوبائی اسمبلیاں تحلیل کرنے سے پہلے بھی پارٹی رہنماؤں کو اسٹیبلشمنٹ کے ساتھ رابطے ختم کرنے کی ہدایات جاری کی گئی تھیں۔
لاہور(قدرت روزنامہ)پاکستان تحریک انصاف (پی ٹی آئی) کے رہنما سینیٹر حامد خان وکلا تحریک کے…
لاہور(قدرت روزنامہ)عالمی شہرت یافتہ پاکستانی اسلامک اسکالر مولانا طارق جمیل نے بھی بال لگوالیے جس…
کراچی(قدرت روزنامہ)امریکی سینٹرل بینک کی جانب سے شرح سود میں کمی کے بعد گولڈ کی…
کراچی(قدرت روزنامہ)انٹربینک میں ڈالر کی قدر میں مسلسل ساتویں روز کمی کا رجحان ہے۔ کاروبار…
اسلام آباد(قدرت روزنامہ)پاکستان میں مشہور "کیری ڈبہ" سوزوکی بولان کا سفر باضابطہ طور پر ختم…
اسلام آباد(قدرت روزنامہ)سیکیورٹی حکام کا کہنا ہے کہ فیض حمید نے جو کچھ کیا اس…