اسلام آباد (قدرت روزنامہ)وزیراعلیٰ خیبرپختونخوا علی امین گنڈاپور کے نئے معاونین خصوصی اور مشیر کے نام سامنے آگئے ہیں۔
ایڈمنسٹریشن ڈیپارٹمنٹ خیبرپختونخوا کے جاری نوٹیفکیشن کے مطابق مصور خان کو وزیراعلیٰ علی امین گنڈاپور کا معاون خصوصی برائے جنگلات، نیک محمد کو معاون خصوصی برائے ریلیف اور محمد سہیل آفریدی کو معاون خصوصی برائے سی اینڈ ڈبلیو مقرر کیا گیا ہے۔
نوٹیفکیشن کے مطابق ہمایوں خان کو وزیراعلیٰ کا معاون خصوصی برائے جیل خانہ جات اور احتشام خان کو مشیر صحت مقرر کیا گیا ہے۔
نوٹیفکیشن میں کہا گیا ہے کہ وزیر اعلیٰ (تقرری) ایکٹ 1989 کے سیکشن-3 کی ذیلی شق-3 کے تحت وزیراعلیٰ خیبر پختونخوا کے مشیروں اور معاونین خصوصی کو محکمے تفویض کیے گئے ہیں۔
یاد رہے کہ گزشتہ دنوں گورنر خیبرپختونخوا فیصل کریم کنڈی نے وزیراعلیٰ خیبرپختونخوا علی امین گنڈاپور کے مشیر کی تعیناتی کی سمری مسترد کردی تھی۔
گورنر خیبرپختونخوافیصل کریم کنڈی نے صوبائی کابینہ میں چھٹے مشیر کی تعیناتی کی منظوری دینے سے انکار کرتے ہوئے کہا تھا کہ آئین کے آرٹیکل 130 کی شق (11) کے تحت وزیراعلیٰ کو 5 سے زیادہ مشیر مقرر کرنے کی اجازت نہیں ہے۔
گورنر نے سمری وزیراعلیٰ علی امین گنڈاپور کو بھجواتے ہوئے لکھا تھا کہ قانون کی رو سے سمری نامنظور کی جاتی ہے اور واپس بھجوائی جارہی ہے۔
کوئٹہ (قدرت روزنامہ)بلوچستان کے متعدد اضلاع میں موبائل فون اور انٹرنیٹ سروسز معطل ہوگئی۔ موبائل…
اسلام آباد (قدرت روزنامہ)بانی پاکستان تحریک انصاف (پی ٹی آئی ) عمران خان کی اہلیہ…
اسلام آباد (قدرت روزنامہ)وزیراعظم شہباز شریف نے ملک میں اسموگ کے بحران کے پیش نظر…
اسلام آباد (قدرت روزنامہ)پنجاب اربن یونٹ نے فضائی آلودگی میں بنیادی کردار ادا کرنے والوں…
اسلام آباد (قدرت روزنامہ)ڈسکہ میں بہو کو بے دردی سے قتل کرنے والی ساس اور…
اسلام آباد (قدرت روزنامہ)سائنسدانوں کو بحر الکاہل میں دنیا کا سب سے بڑا مرجان مل…