اسلام آباد (قدرت روزنامہ)پاکستان تحریک انصاف (پی ٹی آئی) کے بانی عمران خان کے خلاف بغاوت کا مقدمہ درج کرلیا گیا۔
ذرائع کے مطابق سوشل میڈیا پلیٹ فارم ’ایکس‘ پر متنازع پوسٹ کرنے پر عمران خان کے خلاف بغاوت کا مقدمہ درج کیا گیا ہے۔
ذرائع نے بتایا کہ حکومت اور ریاستی اداروں کے خلاف ’ایکس‘ اکاؤنٹ کے ذریعے بغاوت پر اکسانے کے الزام میں ایف آئی اے نے عمران خان کے خلاف مقدمہ درج کرلیا ہے۔
ذرائع کے مطابق مقدمہ نمبر 1138/24 آج درج کیا گیا، سائبر کرائم کی 4 رکنی ٹیم آج شام 7 بج کر 45 منٹ پر اڈیالہ جیل پوچھ گچھ کے لیے پہنچی تھی۔
ذرائع کے مطابق ڈپٹی سپرنٹنڈنٹ کے ذریعے بانی پی ٹی آئی عمران خان کو پوچھ گچھ کے لیے طلب کیا گیا، تاہم وکلا سے مشاورت کا بہانہ بنا کر انہوں نے تفتیش میں شامل ہونے سے انکار کردیا۔
ذرائع کے مطابق 4 رکنی تفتیشی ٹیم ہفتے کی صبح دوبارہ تفتیش کے لیے اڈیالہ جیل جائے گی، تفتیشی ٹیم عمران خان سے بغاوت کے پیغامات اور انہیں آگے پھیلانے میں ملوث ساتھیوں کے حوالے سے پوچھ گچھ بھی کرے گی۔
واضح رہے کہ بانی پی ٹی آئی عمران خان کے ’ایکس‘ اکاؤنٹ سے متنازع پوسٹ شیئر ہوئی تھی جس کے بعد ایف آئی اے کی ٹیم ان سے تحقیقات کے لیے اڈیالہ جیل پہنچی تھی۔
یہاں یہ بھی یاد رہے کہ عمران خان کے ایکس اکاؤنٹ سے متنازع پوسٹس شیئر کرنے کا معاملہ کوئی پہلی بار سامنے نہیں، ان کے اکاؤنٹ سے اس سے قبل بھی ایسی پوسٹیں شیئر ہوتی رہی ہیں۔
ممبئی(قدرت روزنامہ) بالی ووڈ اداکارہ اروشی روٹیلا نے بھارتی کرکٹر ریشبھ پنت کے ساتھ تعلقات…
اسلام آباد(قدرت روزنامہ)وزیراعظم پاکستان میاں شہباز شریف نے کہا ہے کہ آئی ایم ایف سے…
لاہور ( قدرت روزنامہ ) وزیر اطلاعات پنجاب عظمیٰ بخاری نے گورنر پنجاب کے بیان…
اسلام آباد(قدرت روزنامہ) وفاقی کابینہ سے سپریم کورٹ پریکٹس اینڈ پروسیجر ترمیمی آرڈیننس 2024 کی…
اسلام آباد(قدرت روزنامہ)قومی اسمبلی میں قائد حزب اختلاف اور پاکستان تحریک انصاف (پی ٹی آئی)…
اسلام آباد(قدرت روزنامہ) اسپیکر قومی اسمبلی ایاز صادق نے الیکشن کمیشن کو خط لکھ دیا…