دبئی (قدرت روزنامہ ) عجمان چیمبر آف کامرس اینڈ انڈسٹری کے ڈائریکٹر جنرل سالم السویدی نے پاکستان کے قونصل جنرل حسین محمد سے دو طرفہ تجارت کو فروغ دینے اور مینوفیکچرنگ کے شعبوں میں باہمی سرمایہ کاری کے مواقع بڑھانے کے طریقوں پر تبادلہ خیال کیا۔
اجلاس میں عجمان چیمبر میں سٹڈیز اینڈ انویسٹمنٹ ڈویلپمنٹ سیکٹر کے ایگزیکٹو ڈائریکٹر علی راشد ال کیتوب اور قونصلیٹ کے ٹریڈ اینڈ انویسٹمنٹ قونصلر علی زیب خان نے شرکت کی جس میں صنعت، زرعی مصنوعات اور قابل تجدید توانائی کے موضوعات پر بات ہوئی –
سلیم السویدی نے اجلاس کی اہمیت اور عجمان اور پاکستان کے درمیان مشترکہ تعاون کے مواقع پر بات چیت کے لیے براہ راست رابطے کے لیے ایک چینل کھولنے میں اس کے کردار پر زور دیا۔
انہوں نے بتایا کہ 2023 میں 4,194 پاکستانی تاجر عجمان چیمبر کے ممبر بنے جو بنیادی طور پر ریٹیل، کنسٹرکشن، مینوفیکچرنگ اور مہمان نوازی کے شعبوں میں سرگرم ہیں۔
حسین محمد نے پاکستان میں ٹیکسٹائل، کپڑے اور زراعت سمیت اہم شعبوں پر روشنی ڈالی اور تجارت کو بڑھانے میں نمائشوں کی اہمیت پر زور دیا۔ انہوں نے عجمان چیمبر کو اس اکتوبر میں کراچی میں ہونے والی ٹیکسٹائل اور ملبوسات کی نمائش میں شرکت کی دعوت دی، جو دونوں ممالک کی کمپنیوں کے درمیان جدت طرازی اور تعاون کو فروغ دینے کا عالمی پلیٹ فارم ہے۔
واشنگٹن (قدرت روزنامہ)میٹا کے بانی مارک زکربرگ دنیا کے امیر ترین افراد میں سے ایک…
اسلام آباد(قدرت روزنامہ)وفاقی وزیر توانائی اویس لغاری نے کہا ہے کہ آئی پی پیز کے…
کراچی (قدرت روزنامہ) انٹر بینک مارکیٹ میں کاروبار کے دوران ڈالر کی قیمت میں کمی…
ممبئی (قدرت روزنامہ)بالی وڈ کے ہیرو سلمان خان جنہوں نے شادی تو نہیں کی البتہ…
اسلام آباد(قدرت روزنامہ) ملک میں بگاس پاور پلانٹس کی بجلی کی قیمت کا تعین نہ…
اسلام آباد (قدرت روزنامہ )پاکستان کی سینئر اداکارہ جویریہ عباسی جنہوں نے حال ہی میں…