سندھ میں لوٹ مار کا بازار گرم ہے،کوئی پوچھنے والا نہیں،حافظ نعیم الرحمان

کندھ کوٹ (قدرت روزنامہ)امیر جماعت اسلامی حافظ نعیم الرحمان کا کہنا ہے کہ پیپلز پارٹی نے کشمور سے کراچی تک لوٹ مار کا بازار گرم کر رکھا ہے سندھ کی سڑکیں اور شہر موہنجوداڑو کا منظر پیش کر رہی ہیں۔

حافظ نعیم الرحمان کا کہنا ہے کہ پیپلز پارٹی آئینی ترمیم کے ذریعے عدلیہ کو کنٹرول کرنے کی تما م سازشوں میں شریک ہے پوری حکومت عوام مینڈیٹ کی توہین کرکے وجود میں آئی ہے۔

ان کا کہنا ہے کہ اب لوٹ مار کا بازار بند کرنا ہوگا اور جمہور کی رائے کواحترام دینا پڑے گا سندھ کے عوام وڈیروں اور جاگیرداروں کے خوف میں نہ آئیں۔

انہوں نے کہا کہ کشمور میں بدامنی و ڈاکوؤں کا راج ہے صحافی قتل ہورہے ہیں جان محمد مہر، نصراللہ گڈانی کو قتل کیا گیا جبکہ حکومت خاموشی سے تماش دیکھ رہی ہے عوام کی دادرسی کرنے والا کوئی نہیں ہے۔

حافظ نعیم الرحمان نے کہا کہ مٹھی بھر اشرافیہ 25کروڑ عوام کو غلام بنانا چاہتی ہے انہوں نے کہا کہ کچے و پکے کے ڈاکوؤں کے خلاف جماعت اسلامی کی آواز کا حصہ بنیں۔