اسلام آباد (قدرت روزنامہ) وزیراعظم محمد شہباز شریف 27 ستمبر 2024 کو اقوام متحدہ کی جنرل اسمبلی سے خطاب میں کثیرالجہتی کے لیے پاکستان کے مستقل عزم اور عالمی امن، سلامتی اور خوشحالی کو فروغ دینے میں اقوام متحدہ کے کردار کی حمایت کا اعادہ کریں گے۔
ترجمان دفتر خارجہ کے مطابق وزیراعظم اقوام متحدہ کی سلامتی کونسل کے ایجنڈے پر دیرینہ مسائل کو حل کرنے کی اہمیت پر زور دیں گے جس میں مسئلہ فلسطین اور جموں و کشمیر کا تنازع بھی شامل ہے۔ وزیراعظم بین الاقوامی اقتصادی تعلقات میں عدم مساوات کو دور کرنے اور بین الاقوامی مالیاتی ڈھانچے میں اصلاحات کی اہمیت پر زور دیں گے۔
شہباز شریف عالمی برادری پر بھی زور دیں گے کہ وہ موسمیاتی تبدیلی سے نمٹنے اور اسلاموفوبیا کی بڑھتی ہوئی لہر کا مقابلہ کرنے کے لیے فیصلہ کن اقدامات کرے۔ وزیراعظم اقوام متحدہ کی جنرل اسمبلی کے اجلاس کے موقع پر متعدد اعلیٰ سطح اجلاسوں میں شرکت کریں گے جن میں ’سمندر کی سطح میں اضافے سے پیدا ہونے والے وجودی خطرے پر اعلیٰ سطح اجلاس‘ اور اقوام متحدہ کی سلامتی کونسل کی ’امن کے لیے قیادت‘ پر کھلی بحث شامل ہے۔
وزیراعظم پائیدار ترقیاتی ایجنڈے کو آگے بڑھانے کے لیے عالمی سطح پر ضروری اقدامات پر تبادلہ خیال کرنے کے لیے عالمی رہنماؤں کے ایک گروپ کے ساتھ بھی بات چیت کریں گے۔ ان کے پروگرام میں اقوام متحدہ کے سیکریٹری جنرل اور جنرل اسمبلی کے صدر سمیت متعدد عالمی رہنماؤں کے ساتھ دو طرفہ ملاقاتیں بھی شامل ہیں۔
اقوام متحدہ کی جنرل اسمبلی کا اعلیٰ سطح اجلاس پاکستان کو علاقائی اور بین الاقوامی اہمیت کے اہم معاملات پر اپنے نقطہ نظر کو اجاگر کرنے کے لیے ایک اہم پلیٹ فارم فراہم کرتا ہے۔ وزیر اعظم ملکی اور عالمی ترقی کے ایجنڈے میں عوام کو مرکزی حیثیت دینے کی پاکستان کی ترجیحات پر روشنی ڈالیں گے۔
وہ اقوام متحدہ کی سلامتی کونسل کے 2025-26 کے رکن کی حیثیت سے پاکستان کے اس عزم کا بھی اظہار کریں گے کہ وہ اقوام متحدہ کے چارٹر کی پاسداری، تنازعات کی روک تھام، امن کے فروغ اور عالمی خوشحالی کے فروغ کے لیے اقوام متحدہ کے تمام رکن ممالک کے ساتھ مل کر کام کرے گا۔
اوسلو (قدرت روزنامہ) پرواز کے دوران ایک مسافر کے کھانے سے نکلنے والے زندہ چوہے…
لاہور(قدرت روزنامہ)فیکٹری ایریا کی حدود میں طالب علم پر تشدد کرنے پر اسکول پرنسپل کو…
لاہور (قدرت روزنامہ) پاکستان شوگر ملز ایسوسی ایشن نے قرضوں کی ادائیگی میں توسیع کے…
کراچی(قدرت روزنامہ)پاکستانی شوبز انڈسٹری کی معروف میزبان و اداکارہ ندا یاسر نے اپنے شوہر و…
راولپنڈی(قدرت روزنامہ)ضلعی انتظامیہ نے سابق رکن قومی اسمبلی علی وزیر کی نظر بندی میں مزید…
لاہور(قدرت روزنامہ)چیمپئینز ون ڈے کپ میں ماخورز کے مینٹور کو ٹورنامنٹ کو بیچ میں چھوڑ…