ہمیں اپنا حق مزاحمت کرکے چھیننا پڑے گا،حافظ نعیم الرحمان

کراچی(قدرت روزنامہ) امیر جماعت اسلامی حافظ نعیم الرحمان نے کہا کہ نوجوان مایوس نہ ہوں ہمیں اپنا حق مزاحمت کرے چھیننا پڑے گا۔

امیرجماعت اسلامی حافظ نعیم الرحمان نے ایکسپو سینٹر میں خطاب کرتے ہوئے کہا کہ ہمارا ملک 77 سال کا ہوگیا ہے، ایک بازو ہم سے جدا ہوگیا تھا، بنگلہ دیش کے لوگوں کو دھوکہ دیا گیا تھا، جن کو کہا گیا تھا کہ ہم علیحدہ ہو جائیں گے تو زیادہ آزاد ہو جائیں گے۔

حافظ نعیم الرحمان نے کہا کہ مسئلہ حکمران طبقے کا ہے، جس کی کوئی قوم اور زبان نہیں ہوتی ہے، وہاں کے لوگوں کو کہا ہمیں بھارت کا غلام بنا دیا ہے، جس پر لوگ کھڑے ہوئے تھے، اس دورغلامی کو وہاں کے لوگوں نے تبدیل کر دیا، پاکستان کے جو حالات ہیں اس میں حکمرانوں کو ائیر لفٹ ملے گی بھی یا نہیں؟

امیرجماعت اسلامی نے کہا کہ ریاست میں عوام کو امن اور صحت ملنا چاہئے، امن فراہم کرنا ریاست کا کام ہے، یہ کام نہیں کرسکتے تو حکومت پھر کس لئے آتی ہے، تعلیم کی صورتحال یہ ہے سندھ میں تعلیم کیلئے454 ارب کا بجٹ ہے، پنجاب میں 669 کا بجٹ ہے، یہ بجٹ کم نہیں ہے اگر یہ بجٹ درست استعمال ہو۔

انہوں نے مزید کہا کہ پاکستان کے تعلیمی معیار میں بہت بہتری ہوسکتی ہے، صحت کے ایک بڑے بجٹ کی موجودگی میں بنیادی ضرورت پورے پاکستان میں نہیں ہیں۔

امیرجماعت اسلامی نے کہا کہ اسرائیلی بربریت کا سلسلہ جاری ہے، اسرائیلی مصنوعات کا بائیکاٹ کا سلسلہ جاری رہنا چاہئے، مسجد اقصیٰ اس وقت صیہونیوں کے قبضے میں ہے، امید کا پیغام غزہ کے نوجوان ہیں۔