پی ٹی آئی ہر گزرتے دن کے ساتھ بے نقاب ہو رہی ہے، بیرسٹر دانیال چوہدری

اسلام آباد (قدرت روزنامہ)پاکستان مسلم لیگ (ن) کے رہنما بیرسٹر دانیال چوہدری نے کہا کہ آج اگر پاکستان کمزور ہو رہا ہے تو اس کی بنیادی وجہ اپوزیشن کا کردار ہے، پی ٹی آئی ہر گزرتے دن کے ساتھ خود کو بے نقاب کر رہی ہے۔
اتوار کو نجی ٹی وی کے ساتھ گفتگو کرتے ہوئے بیرسٹر دانیال چوہدری نے یروشلم پوسٹ کے مضمون پر تبصرہ کرتے ہوئے کہا کہ فوج کو کمزور پاکستان کو کمزور کرنے کے مترادف ہے اور اپوزیشن اس وقت فوج کو کمزور کرنے کی کوشش کر رہی ہے۔
انہوں نے دعویٰ کیا کہ پی ٹی آئی پاکستان کی مسلح افواج کو کمزور کرنے کی ہر ممکن کوشش کر رہی ہے کیوں کہ پاکستان کے عوام نے شہدا کے مجسموں کو نذر آتش کرنے اور ان کا مذاق اڑانے کے بارے میں مسلسل سوالات اٹھائے ہیں۔
انہوں نے کہا کہ امریکا میں آئی ایم ایف کی عمارت کے باہر ایک گروپ نے احتجاج کیا اور آئی ایم ایف کو پاکستان کے ساتھ معاہدے تک پہنچنے سے روکنے کی کوشش کی۔
دانیال چوہدری نے زور دے کر کہا کہ پی ٹی آئی ہر گزرتے دن کے ساتھ خود کو بے نقاب کر رہی ہے اور سچائی واضح ہو رہی ہے۔
مسلم لیگ (ن) کا کہنا تھا کہ کل لاہور کے عوام نے (پی ٹی آئی) کے ساتھ کھڑے ہونے سے انکار کر دیا۔ انہوں نے کہا کہ موجودہ اپوزیشن نہ ماضی میں پاکستان کی خیر خواہ تھی اور نہ اب ہو سکتی ہے۔
انہوں نے کہا کہ پاکستان کے عوام دوبارہ پی ٹی آئی کے ساتھ کھڑے نہیں ہوں گے کیونکہ انہوں نے لوگوں کے ایک گروہ کو گمراہ کیا ہے۔
واضح رہے کہ یروشلم پوسٹ نے اسرائیل کے اخبار ٹائمز آف اسرائیل کے دعوؤں کی تصدیق کر دی۔ انکشاف کیا ہے کہ پی ٹی آئی کے بانی رہنما عمران خان اسرائیل کے حامی جبکہ فوج کے مخالف ہیں۔
یروشلم پوسٹ نے اپنے تازہ مضمون میں کہا ہے کہ سابق وزیر اعظم عمران خان نے اسرائیل کے خلاف عوامی سطح پر سخت سیاسی بیان بازی کی لیکن اندر کھاتے اسرائیل کے ساتھ تعلقات معمول پر لانے کی خواہش کا اظہار کیا۔ عمران خان اسرائیل کے لیے ہم خیال سیاست دان ہیں۔