مولانا فضل الرحمان پی ٹی آئی کو مس کال کرکے بلالیتے ہیں، گورنر فیصل کریم کنڈی

پشاور (قدرت روزنامہ) گورنر خیبرپختونخوا فیصل کریم کنڈی کا کہنا ہے کہ مولانا فضل الرحمان ہر دوسرے دن پی ٹی آئی کو مس کال کرکے بلا لیتے ہیں .
میڈیا سے گفتگو کرتے ہوئے فیصل کریم کنڈی نے کہا کہ آئین کے مطابق سنی اتحاد کونسل کومخصوص نشستیں نہیں دی جاسکتیں .

مخصوص نشستیں صرف ان جماعتوں کی ہیں جنہوں نے لسٹیں جمع کروائیں، فیصلے حق میں آئیں یا خلاف،عدالتوں کااحترام لازم ہے،ہمیں ذوالفقار علی بھٹو کیس میں 45 سال بعد انصاف ملا ،عدالتیں پارٹی بدلنے کا نہیں کہہ سکتیں . اگر 50،50 سال بعد انصاف ملے تو پھر 9مئی کیسز میں بھی کچھ نہیں ہوگا،بانی پی ٹی آئی این آر او چاہتے ہیں ،وزیراعلیٰ اگر غائب ہوجائے تو پھر اس کی بھی انکوائری ہونی چاہیے . پی ٹی آئی کوسیاسی جماعت نہیں سمجھتا، ان کا مستقبل تاریک ہے،مولانا فضل الرحمان پی ٹی آئی سے بدلے لے رہے ہیں .