اسلام آباد(قدرت روزنامہ)مخصوص نشستوں کے کیس میں سپریم کورٹ کے جج جسٹس یحییٰ آفریدی نے 26 صفحات پر مشتمل اختلافی نوٹ جاری کردیا۔
اے آر وائی نیوز کے مطابق جسٹس یحییٰ آفریدی کی جانب سے جاری کردہ اختلافی نوٹ میں لکھا گیا ہے کہ ایس آئی سی مخصوص نشستوں کے لیے آئینی تقاضوں پر پورا نہیں اترتی، سنی اتحاد کونسل کی درخواستیں مسترد کی جاتی ہیں کیونکہ یہ جماعت نشستیں لینے کی اہل نہیں۔
انہوں نے اختلافی نوٹ میں لکھا کہ ’پاکستان تحریک انصاف سیاسی جماعت ہے، پی ٹی آئی مخصوص نشستیں کے لیے اہل جماعت ہے لیکن وہ اس عدالت کے سامنے فریق نہیں بنی، 3 جون سے کیس چل رہا ہے پی ٹی آئی نے 25 جون تک کوئی درخواست نہیں دی۔
جسٹس یحییٰ آفریدی نے لکھا کہ ’26 جون کو پی ٹی آئی کی فریق بننے کی درخواست آئی، بیرسٹر گوہر نے جاری کیس میں معاونت کی درخواست دی جبکہ پی ٹی آئی نے اپنے حق میں کسی ڈیکلیریشن کی استدعا نہیں کی۔‘
انہوں نے کہا کہ ’الیکشن کمیشن مخصوص نشستوں کے نوٹیفکیشن کا دوبارہ جائزہ لے اور فریقین کو سن کر سات روز میں فیصلہ کرے۔
واضح رہے کہ سپریم کورٹ نے مخصوص نشستوں سےمتعلق کیس کے تفصیلی فیصلے میں کہا تھا کہ پی ٹی آئی قومی اسمبلی میں مخصوص نشستوں کی حق دار ہے۔
اسلام آباد(قدرت روزنامہ) صدر مملکت آصف علی زرداری نے کہا ہے کہ پاکستان اور سعودی…
اسلام آباد (قدرت روزنامہ) 30 ستمبر سے پیٹرولیم مصنوعات کی قیمتوں میں مزید کمی کا…
کوئٹہ(قدرت روزنامہ) بلوچستان کے دارالحکومت میں بروری روڈ پر حجام کی دکان میں بیٹھے شخص…
اسلام آباد (قدرت روزنامہ) محکمہ موسمیات کے مطابق ملک کے بیشتر علاقوں میں آج رات…
کراچی(قدرت روزنامہ) سربراہ جے یو آئی مولانا فضل الرحمان سے قومی کرکٹ ٹیم کے سابق…
اسلام آباد (قدرت روزنامہ) جسٹس منصور علی شاہ نے پریکٹس اینڈ پروسیجر کمیٹی کو خط…