راولپنڈی(قدرت روزنامہ) 190 ملین پاؤنڈز کیس میں عدالت نے عمران خان اور بشریٰ بی بی کے وکیل کو نیب تفتیشی افسر پر جرح کے لیے آخری مہلت دے دی۔
بانی چیئرمین پی ٹی آئی عمران خان اور ان کی اہلیہ بشریٰ بی بی کے خلاف 190 ملین پاؤنڈز ریفرنس کی سماعت اڈیالہ جیل میں ہوئی، تاہم بشریٰ بی بی کے وکیل عثمان گل کی عدم حاضری کی وجہ سے سماعت جمعہ تک ملتوی کردی گئی۔
وکلائے صفائی کی جانب سے عدالت میں درخواست پیش کی گئی، جس میں کہا گیا کہ بشریٰ بی بی کے وکیل عثمان گل بیمار اور ڑ ڈینگی میں مبتلا ہیں، لہٰذا سماعت ملتوی کی جائے۔ اس موقع پر نیب وکلا نے مؤقف اختیار کیا کہ ریفرنس میں بشریٰ بی بی کی جانب سے 4 وکلا کے وکالت نامے موجود ہیں۔ ریفرنس میں سلمان صفدر، خالد یوسف چوہدری اور مشال یوسفزئی بھی بشریٰ بی بی کے وکیل ہیں۔ عثمان گل کا اگر بیمار ہیں تو ان وکلا کو طلب کر کے آخری گواہ پر جرح کرائی جائے۔
نیب وکلا نے عدالت میں مؤقف اپنایا کہ اسلام آباد ہائی کورٹ سے وکلائے صفائی خود آرڈر لائے کہ کارروائی کو آگے بڑھایا جائے۔ اب وکلائے صفائی جان بوجھ کر ریفرنس کی سماعت کو التوا کا شکار کر رہے ہیں۔
عدالت نے وکلائے صفائی کو ہدایت کی کی آپ کو آخری موقع دیا جا رہا ہے، آئندہ سماعت پر نیب تفتیشی آفیسر پر جرح مکمل کریں۔
190 ملین پاؤنڈز ریفرنس کی سماعت احتساب عدالت کے جج ناصر جاوید رانا نے اڈیالہ جیل میں کی، جہاں بانی پی ٹی آئی اور بشریٰ بی بی کو خصوصی عدالت میں پیش کیا گیا جب کہ ملزمان کی جانب سے انتظار پنجوتھا، نعیم پنجوتھا ور فیصل فرید چوہدری عدالت میں پیش ہوئے ۔ نیب کی جانب سے سردار مظفر عباسی لیگل ٹیم کے ہمراہ عدالت میں پیش ہوئے۔
واشنگٹن(قدرت روزنامہ)امریکہ نے قطرکے باشندوں کو ویزا کے حوالے سے بڑی سہولت دینے کا اعلان…
نیویارک( قدرت روزنامہ)وزیرِ اعظم شہباز شریف کی اقوام متحدہ کی جنرل اسمبلی کے 79ویں اجلاس…
ممبئی(قدرت روزنامہ) بالی ووڈ کے نامور اور کامیاب ترین اداکاروں کی خوبصورت بیویوں کے کاروباروں…
لاہور(قدرت روزنامہ)پاکستان تحریک انصاف (پی ٹی آئی) نے لاہور میں مینار پاکستان جلسے کی اجازت…
لاہور (قدرت روزنامہ)پاکستانی ٹِک ٹاکر شاہ تاج نے دعویٰ کیا ہے کہ انہوں نے آل…
اسلام آباد(قدرت روزنامہ)تھانہ سنگجانی میں درج مقدمہ میں زرتاج گل کی ضمانت قبل از گرفتاری…