عائزہ خان کا دپیکا پڈوکون کے گانے پر ڈانس

(قدرت روزنامہ)پاکستان کی معروف، ڈرامہ انڈسٹری کی صف اول کی اداکارہ عائزہ خان کی جانب سے اپنے سوشل میڈیا اکاؤنٹس پر نئی تصویریں اور ڈانس ویڈیوز شیئر کی گئی ہیں جنہیں اُن کے مداحوں کی جانب سے خوب پسند کیا جا رہا ہے . جیو انٹر ٹینمنٹ کے ڈرامہ سیریل ’یاریاں‘ میں منفی کردار بہترین انداز میں ادا کرنے والی اداکارہ عائزہ خان آج کل شہرت کی بلندیوں پر ہیں .

عائزہ خان یکے بعد دیگرے سپر ہٹ ڈراموں میں اپنی جاندار پرفارمنس کے سبب ٹی وی شائقین کی آنکھوں کا تارا اور دلوں کی دھڑکن بنی ہوئی ہیں . عائزہ خان نے سوشل میڈیا پلیٹ فارم انسٹا گرام پر اپنی نئی خوبصورت تصویریں اور ویڈیوز شیئر کی ہیں جن میں وہ خوشگوار موڈ میں نہایت حسین نظر آرہی ہیں . انسٹا گرام پر 10.2 ملین فالوورز رکھنے والی عائزہ خان آج کل ٹک ٹاک پر بھی خوب چھائی ہوئی ہیں . وہ مختصر ٹک ٹاک ویڈیوز بھی بناتی رہتی ہیں جو کہ خوب وائرل ہوتی ہیں، یہ ویڈیوز اُن کے مداحوں کی جانب سے بے حد پسند کی جاتی ہیں . عائزہ خان نے اپنے انسٹا  اکاؤنٹ پر نئے فوٹو شوٹ سے لی گئی تصویریں اور مختصر سی ویڈیوز شیئر کی ہیں جس میں وہ بھارتی اداکارہ دپیکا پڈوکون پر فلمائے گئے گانے ’لہو منہ لگ گیا ‘ اور ’وہ چلی وہ چلی‘ گانے پر ڈانس کرتی نظر آ رہی ہیں . عائزہ خان نے اس ویڈیو میں خوبصورت لباس، میک اپ اور جیولری بھی پہنی ہوئی ہے جو کہ اُن پر خوب جچ رہی ہے . . .