’پولیس اہلکاروں نے 2 ہزار روپے نکال لیے‘ پی ٹی آئی کے جلسے سے گرفتار 80 سالہ روشن بی بی کا الزام

راولپنڈی(قدرت روزنامہ)پاکستان تحریک انصاف کے 28 ستمبرکو لیاقت باغ میں احتجاج کے دوران گرفتار 80 سالہ روشن بی بی نے پنجاب پولیس کی خواتین اہلکاروں پر پیسے چوری کا الزام لگایا ہے۔
روشن بی بی کی ویڈیو سوشل میڈیا پر وائرل ہو رہی ہے جس میں وہ نجی ٹی وی کے پروگرام میں گفتگو کر رہی ہیں۔ ان کا کہنا ہے کہ ان کا سامان محفوظ تھا لیکن خواتین پولیس اہلکاروں نے ان کے 2ہزار روپے نکال لیے۔ انہوں نے سوال کیا کہ پولیس نے پیسے کیوں نکالے؟
ایک صارف نے کہا کہ پاکستانی پولیس خاص کر پنجاب پولیس اب محافظ کی بجائے ڈاکو اور چور میں تبدیل ہوچکی ہے۔ عوام کو اب ان سے تحفظ کے احساس کی بجائے خوف محسوس ہوتا ہے۔
علی رضا خان لکھتے ہیں کہ پنجاب پولیس کا رویہ کچے کے ڈاکوؤں سے بھی بدتر ہے۔
محمد زاہد نے طنزاً لکھا کہ خربوزے کو دیکھ کر خربوزہ رنگ پکڑتا ہے۔
ایک صارف نے روشن بی بی کے پنجاب پولیس پر لگائے گئے الزامات پر تبصرہ کرتے ہوئے لکھا کہ اوپر سے لے کر نیچے تک سب ہی چور ہیں۔