کراچی ایئرپورٹ کے قریب دھماکہ،2افرادزخمی

کراچی (قدرت روزنامہ)کراچی ایئرپورٹ سگنل کے قریب زور دار دھماکہ ہوا ہے، جس میں 2 افراد زخمی ہوئے ہیں، جنہیں ہسپتال منتقل کردیا گیا ہے۔دھماکے کی آواز قیوم آباد، ڈیفنس، جمشید روڈ کے اطراف بھی سنی گئی ہے۔

اس حوالے سے ایس ایس پی ملیر کا کہنا ہے کہ ایئرپورٹ سگنل کے قریب زودار دھماکہ ہوا ہے، ابتدائی طور پر لگتا ہے دھماکہ آئل ٹینکر میں ہوا۔ ایئرپورٹ کے قریب تین چار گاڑیوں میں آگ لگی ہوئی ہے، ریسکیو اہلکار ، پولیس اور رینجرز اہلکار موقع پر موجود ہیں، فائر بریگیڈ کی گاڑی آگ بجھانے کی کوشش کر رہی ہے۔ریسکیو حکام کا کہنا ہے کہ دھماکے میں 2 افراد زخمی ہوئے۔