’ ٹریلر نہیں دیکھا جا رہا پوری فلم کیسے دیکھیں گے‘، سنگھم اگین کے ٹریلر پر صارفین کے تبصرے

اسلام آباد (قدرت روزنامہ) بالی ووڈ کے فلمساز روہت شیٹی کی فلم ’سنگھم اگین‘ کا طویل ترین ٹریلر جاری کردیا گیا جو تقریباً 4 منٹ 45 سیکنڈ طویل ہے۔ اس میں بالی ووڈ کے کئی اداکا ایکشن میں نظر آ رہے ہیں۔
فلم کے تمام بڑے ستارے جیسے اجے دیوگن، اکشے کمار، کرینہ کپور، دپیکا پڈوکون، رنویر سنگھ، ٹائیگر شروف، اور ارجن کپور شامل ہیں لیکن مرکزی کردار باجی راؤ سنگھم یعنی اجے دیوگن کا ہی ہے۔
ٹریلر کا آغاز اجے دیوگن (باجی راؤ سنگھم) اور کرینہ کپور (اونی) کے کرداروں کے ساتھ ہوا جب وہ اپنے بیٹے سے بات کرتے ہوئے کہ بھگوان رام دیوی سیتا کو بچانے کے لیے کس حد تک گئے تھے۔
پھرکہانی ویسا ہی موڑ لیتی ہے جب کرینہ کپور کو اغوا کر لیا جاتا ہے اور باجی راؤ سنگھم اسے پورے ملک میں اور بعد میں سری لنکا میں تلاش کرتے نظر آتے ہیں۔
ٹریلر میں بالی ووڈ کی مشہور جوڑی دیپیکا پڈوکون اور رنویر سنگھ بھی ایکشن موڈ میں نظر آتے ہیں جبکہ اکشے کمار نے اپنے انداز میں انٹری دی اور ٹائیگر شروف کا کردار بھی ولن سے لڑتا نظر آتا ہے۔
ایک صارف نے ٹریلر پر تبصرہ کرتے ہوئے 2 منٹ 48 سیکینڈ کا ایک کلپ شیئر کیا اور لکھا کہ یہ ان لوگوں کے لیے ہے جو 5 منٹ کی شارٹ فلم دیکھنے میں بھی سست ہیں۔
کئی صارفین فلم کا ٹریلر دیکھ کر ناامید ہوئے اور تنقید کرتے ہوئے کہا کہ ٹریلر نہیں دیکھا جا رہا تو پوری فلم کیسے دیکھیں گےجبکہ کئی صارفین نے کہا کہ فلاپ فلمیں دینا کب بند کریں گے۔
ایک صارف نے لکھا کہ ’سنگم اگین‘ میں رنوریر سنگھ اور ارجن کپور کو بھی کاسٹ کیا گیا ہے لیکن دیپیکا پڈوکون کو کاسٹ کرنا سب سے بری چوائس ہے۔
فلم میں گھروں اورگاڑیوں کو جلانے کے مناظر اور لڑائی کے سین دکھائے گئے ہیں اور کہا جا رہا ہے کہ ایکشن سے بھرپور یہ فلم شائقین کی توجہ حاصل کرنے میں کامیاب رہے گی۔ فلم 1 نومبر 2024 کو ریلیز ہو گی۔ رپورٹس کے مطابق یہ فلم 350 سے 375 کروڑ انڈین روپے کی لاگت سے بنائی گئی ہے۔