پشاور(قدرت روزنامہ ) وزیراعلیٰ خیبر پختونخوا علی امین گنڈا پور نے گورنر فیصل کریم کنڈی سے پہلا باضابطہ رابطہ کیا ہے۔
گورنرخیبر پختونخوا فیصل کریم کنڈی وزیر اعلیٰ خیبر پختونخوا علی امین گنڈا پورکی دعوت پر صوبے کی سیاسی و امن و امان کی صورتحال پر مختلف سیاسی جماعتوں کی مشاورت سے بلائے گئے جرگے میں شرکت کریں گے۔
وزیراعلی کے پی علی امین گنڈا پور کا گورنر فیصل کریم کنڈی کے ساتھ پہلا باضابطہ رابطہ ہو گا جس کے لئے گورنر خیبر پختونخوا فیصل کریم کنڈی اسلام آباد میں تمام مصروفیات ترک کرکے پشاور کے لئے روانہ ہوگئے ہیں۔
گرینڈ جرگہ تمام سیاسی جماعتوں کے پارلیمانی لیڈرز کی مشاورت کے نتیجے میں بلایا گیا ہے، جرگے کی سربراہی صوبے کے چیف ایگزیکٹو کریں گے۔
صوبائی جرگے کی تجاویز پر وزیراعلیٰ علی امین گنڈا پور نے رات گئے وزیر داخلہ محسن نقوی اور گورنر خیبر پختونخوا سے رابطہ بھی کیا تھا، وزیر داخلہ محسن نقوی بھی گرینڈ جرگے میں وفاقی حکومت کے نمائندے کی حیثیت سے شریک ہوں گے۔
یاد رہے کہ فیصل کریم کنڈی نے مئی 2024 میں گورنر خیبر پختونخوا کے عہدے کا حلف اٹھایا تھا، وزیراعلیٰ کے پی علی امین گنڈا پور نے ان کی تقریب حلف برداری میں بھی شرکت نہیں کی تھی اور دونوں صوبائی عہدیداران ایک دوسرے کے خلاف کئی بیانات دے چکے ہیں۔
آرمی چیف نے سعودی کاروباری وفد کو پاکستان کی جانب سے مکمل تعاون کا یقین…
پیٹرولیم مصنوعات کی قیمتوں میں فی بیرل 7 ڈالر تک اضافہ ریکارڈ اسلام آباد (قدرت…
پاکستان اور سعودی عرب کے مابین معاشی تعاون کا نیا دور شروع ہوگیا، سعودی وزیر…
انٹر بینک میں ڈالر277 روپے 60 پیسے کا ہوگیا، کرنسی ڈیلرز کراچی (قدرت روزنامہ)انٹر بینک…
جسٹس ارباب محمد طاہر نےطلبا کی درخواستوں پر حکم امتناع جاری کیا اسلام آباد (قدرت…
جنوبی ایشیا میں رواں سال معاشی ترقی کی شرح چھ اعشاریہ چار فیصد رہے گی…