آشگھابت (قدرت روزنامہ) پاکستان کے صدر آصف علی زرداری کا ترکمانستان کے ہوائی اڈے پر استقبال منفرد اور محبت بھرے انداز میں کیا گیا۔ صدر زرداری دو روزہ دورے پر ترکمانستان پہنچے تھے، جہاں ان کا خیرمقدم کرنے کے لیے دو ننھے مقامی بچوں نے گلدستے کے ساتھ روایتی نمکین روٹی پیش کی۔ یہ روٹی مہمانوں کی خوشنودی کا اظہار کرنے کے لیے پیش کی جاتی ہے۔
اس موقع پر صدر زرداری نے ایک نئی روایت قائم کرتے ہوئے پہلے بچے سے روٹی کا ایک ٹکڑا لے کر اس کے منہ میں ڈال دیا۔ بچے نے خوشی خوشی روٹی کاٹ لی، جس کے بعد صدر نے خود بھی اس کا لقمہ لیا۔ انہوں نے یہی عمل دوسرے بچے کے ساتھ بھی دہرایا، جس نے سب کو محظوظ کر دیا۔
صدر زرداری کے اس محبت بھرے انداز پر میزبان ملک کے نائب وزیراعظم اور دیگر شخصیات نے خوشگوار حیرت کا اظہار کیا۔ اس موقع پر صدر زرداری کے ساتھ نائب وزیراعظم اسحاق ڈار بھی موجود تھے۔
صدر آصف علی زرداری کا خوبصورت انداز۔ ترکمانستان آمد پر بچوں کو بریڈ اپنے ہاتھوں سے کھلائی اور ان کا جھوٹا خود کھایا۔ ایسے ہی محبتوں سے بھرے مناظر کی پاکستان کو ضرورت ہے۔ pic.twitter.com/jXUunXarrp
یہ واقعہ سوشل میڈیا پر بھی وائرل ہوا، جب اسحاق ڈار کے بیٹے علی ڈار نے اس لمحے کی ویڈیو شیئر کی۔ ویڈیو کے ساتھ انہوں نے لکھا، ”پاکستان کو ایسے ہی محبتوں سے بھرے مناظر کی ضرورت ہے۔“ یہ واقعہ نہ صرف صدر زرداری کی نرم دلی کی عکاسی کرتا ہے بلکہ پاکستان اور ترکمانستان کے درمیان دوستانہ تعلقات کی بھی مثال پیش کرتا ہے۔
اسلام آباد(قدرت روزنامہ )پیپلز پارٹی کے سینئر رہنما سید خورشید شاہ کی زیر صدارت 26…
کرم(قدرت روزنامہ) پارا چنار میں اپرکرم ڈویژن کے علاقے میں قبائل کے درمیان فائرنگ میں…
کراچی(قدرت روزنامہ) ائرپورٹ کے قریب دھماکے سے متعلق ابتدائی رپورٹ میں انکشاف کیا گیا ہے…
لاہور(قدرت روزنامہ )وزیر اعلیٰ پنجاب مریم نواز نے مہاجر پرندوں (Migrant Birds)کے عالمی دن پر…
لاہور (قدرت روزنامہ) لاہور کی فلور ملز نے آٹے کی قیمت میں اضافہ کردیا۔ 20…
گجرات(قدرت روزنامہ) جماعت اسلامی پاکستان کے امیر حافظ نعیم نے مطالبہ کیا ہے کہ چیف…