کرم میں قبائل کے مابین فائرنگ؛ 11 افراد جاں بحق، کئی زخمی
کرم(قدرت روزنامہ) پارا چنار میں اپرکرم ڈویژن کے علاقوں میں فائرنگ کے 2 واقعات میں 11 افراد جاں بحق اور 8 زخمی ہو گئے .
اطلاعات کے مطابق فائرنگ کا پہلا واقعہ کنج علیزئی کے پہاڑی علاقے میں پیش آیا، جہاں شنگک سے تعلق رکھنے والے شکاریوں پر مقبل قبائل نے فائرنگ کردی، جس میں 11 افراد جاں بحق اور خاتون سمیت 5 دیگر زخمی ہو گئے .
فائرنگ کا واقعہ پہاڑوں اور قریبی روڈ پر پیش آیا، زخمیوں میں سے کچھ کی حالت تشویش ناک ہونے کی وجہ سے جاں بحق افراد کی تعداد میں اضافے کا خدشہ ہے .
واقعے کے بعد علاقہ پولیس اور سکیورٹی فورسز کی بھاری نفری جائے وقوع پر پہنچی اور شواہد و بیانات اکٹھے کرکے تحقیقات شروع کردی ہے .
فائرنگ کادوسرا واقعہ بائی پاس کے قریب پیش آیا، جہاں پر مقبل جانے والی گاڑیوں پر نامعلوم افراد نے فائرنگ کردی، جس میں زخمی ہونے والے افرد کو طبی امداد کے لیے ڈی ایچ کیو پارا چنار اسپتال پہنچا دیا گیا .
پولیس نے علاقے کو گھیر کر ملزمان کی تلاش شروع کردی ہے .
. .