شادی کے خواہشمند افراد کے لیے سعودی حکومت کا شاندار اعلان

ریاض (قدرت روزنامہ) سعودی عرب میں سماجی ترقیاتی بینک کی جانب سے شادی کے خواہشمند افراد کو خوشخبری سنادی گئی۔

سعودی خبر رساں ادارے کے مطابق سعودی عرب میں شادی کے قرض کی رقم میں اضافہ کرتے ہوئے 72 ہزار ریال تک کردی گئی، قرض کی مد میں لی گئی رقم کی ادائیگی 4 سال کی آسان اقساط میں کی جاسکتی ہے،رپورٹ کے مطابق سماجی ترقیاتی بینک نے شادی قرض سے متعلق اعلان کرتے ہوئے کہا کہ بیمہ پالیسی کی شرائط کے مطابق فوتگی کی صورت میں لیا گیا قرض معاف کردیا جائے گا۔ قرض کی شرائط میں کہا گیا ہے کہ درخواست دہندہ کی عمر 18 برس سے کم اور 70 سے زیادہ نہ ہو جبکہ ان کی ماہانہ آمدنی 14 ہزار 5 سو ریال سے زائد ہونے پر انہیں قرض ادا نہیں کیا جائے گا،سماجی ترقیاتی بینک کے مطابق قرض کی رقم صرف پہلی شادی پر ہی ادا کی جائے گی، جبکہ اہلیہ کے انتقال ہونے کی صورت میں دوسری شادی کیلئے بھی قرض لیا جاسکتا ہے۔ قرض کے لیے دی گئی درخواست کے ساتھ نکاح نامہ کی تصدیق عدالت سے ہوگی، شادی کو دو سال سے زیادہ وقت گزرنے کی صورت میں شہری قرض کا اہل نہیں ہوگا۔