26ویں آئینی ترمیم:3پارٹی سربراہان نے سرجوڑ لیے

لاہور (قدرت روزنامہ)پاکستان مسلم لیگ (ن) کے صدر نواز شریف کی میزبانی میں ان کی رہائش گاہ جاتی امرامیں اہم ملاقات جاتی ہے۔

نوازشریف کی جانب سے سیاسی قائدین کے اعزاز میں عشائیے میں جمعیت علمائے اسلام کے سربراہ مولانافضل الرحمان پہنچ گئے۔

نوازشریف نے وزیراعظم شہبازشریف کے ہمراہ مولانا فضل الرحمان کا استقبال کیا۔ اس کے علاوہ صدر مملکت آصف علی زرداری اور پیپلزپارٹی کے چیئرمین بلاول بھٹو زرداری بھی عشائیے میں پہنچ گئے۔

ملاقات میں نوازشریف، فضل الرحمان اور بلاول بھٹو کا 26 ویں آئینی ترمیم پر تبادلہ خیال جاری ہے، ملاقات میں صدر آصف زرداری، وزیراعظم شہبازشریف بھی شریک ہیں۔

خیال رہے کہ گزشتہ روز پیپلز پارٹی اور جے یو آئی کے درمیان آئینی مسودے پر اتفاق ہو چکا ہے۔