اسلام آباد (قدرت روزنامہ)حکومت نے آج صبح پٹرولیم مصنوعات کی قیمتوں میں 12 سے زائد کا اضافہ کر دیاہے جس پر عائد ٹیکس اور لیوی کی تفصیلات سامنے آ گئی ہیں ۔
تفصیلات کے مطابق پٹرول پر 25 روپے 22 پیسے فی لیٹر ٹیکس ، ڈیوٹیز ، مارجن اور لیوی عائد ہے ، حکومت نے پٹرول پر سیلز ٹیکس فی لیٹر 67 پیسے بڑھا دیاہے جو کہ بڑھا کر 8 روپے 82 پیسے کر دیا گیاہے ۔پٹرول پر لیوی 5 روپے 62 پیسے فی لیٹر عائد ہے ۔ حکومت کو فی لیٹر پٹرول کی لاگت 112 روپے 57 پیسے ہے اور عوام کیلئے پٹرول کی فی لیٹر قیمت 137 روپے 79 پیسے مقرر کی گئی ہے ۔ پٹرول پر تین روپے 91 پیسے فی لیٹر ڈیلر کمیشن ، مارکیٹنگ کمپنیوں کا مارجن 2 روپے 97 پیسے اور فریٹ 3 روپے 90 پیسے فی لیٹر عائد ہے ۔
یاد رہے کہ آج سے پیٹرول 10 روپے 49 پیسے فی لیٹر اضافے کے بعد 137روپے 79 پیسے فی لیٹر ملے گا۔ ہائی سپیڈ ڈیزل کی قیمت میں 12روپے 44 پیسے اور لائٹ ڈیزل کی قیمت میں 8 روپے 84 پیسے اضافہ کیا گیا ہے، مٹی کے تیل کی قیمت 10روپے 95 پیسے اضافے کے بعد 110 روپے 26 پیسے فی لیٹر مقرر کی گئی ہے۔اس طرح ہائی سپیڈ ڈیزل کی قیمت 122.04 روپے سے بڑھ کر 134.48 روپے فی لیٹر اور لائٹ ڈیزل کی قیمت 99.51 روپے سے بڑھ کر 108.35 روپے فی لیٹر کردی گئی ہے۔
کراچی(قدرت روزنامہ) سندھ رینجرز اور پولیس نے یوسف گوٹھ بس ٹرمنل کے قریب مشترکہ کارروائی…
اسلام آباد(قدرت روزنامہ)پاکستان اور آئی ایم ایف کے درمیان پالیسی سطح کے مذاکرات کل شروع…
لاہور(قدرت روزنامہ) پی ڈی ایم اے پنجاب نے رواں ماہ ہیٹ ویو کا الرٹ جاری…
چمن (قدرت روزنامہ) چمن میں باب دوستی پاسپورٹ ٹریولنگ پالیسی کے خلاف بارڈر شاہراہ پر…
اسلام آباد(قدرت روزنامہ)وزیراعظم شہبازشریف کی ہدایت پرخصوصی طیارہ آج شام کرغزستان روانہ ہوگا۔ نجی ٹی…
ملتان(قدرت روزنامہ)ملتان سے قومی اسمبلی کی نشست این اے 148 میں ضمنی انتخاب کے لیے…