اسلام آباد(قدرت روزنامہ)سپریم کورٹ میں موسمیاتی تبدیلی اتھارٹی کے قیام سے متعلق کیس کی سماعت کے دوران 26ویں آئینی ترمیم سے متعلق جسٹس منصور علی شاہ اور جسٹس عائشہ ملک نے دلچسپ ریمارکس دیئے۔
نجی ٹی وی چینل دنیا نیوز کے مطابق جسٹس منصور علی شاہ کا ایڈیشنل اٹارنی جنرل سے دلچسپ مکالمہ ہوا،جسٹس منصور علی شاہ نے استفسار کیا کہ کیا موسمیاتی تبدیلی کے چیئرمین کا نوٹیفکیشن جاری ہو گیا؟ایڈیشنل اٹارنی جنرل نے جواب دیا ابھی نوٹیفکیشن جاری نہیں ہوا۔
جسٹس منصور علی شاہ نے استفسار کیا کہ اٹارنی جنرل کہاں ہیں؟ایڈیشنل اٹارنی جنرل نے کہاکہ اٹارنی جنرل گزشتہ رات مصروف رہے اس لئے نہیں آئے،جسٹس منصور علی شاہ نے مسکراتے ہوئے استفسار کیا کہ اب تو ساری مصروفیت ختم ہو چکی ہو گی،آئندہ سماعت پر اٹارنی جنرل پیش ہوں۔
مسابقتی کمیشن سے متعلق فیصلےکیخلاف اپیل پر سماعت کے دوران جسٹس منصور علی شاہ نے آئینی بنچ کا تذکرہ کر دیا، جسٹس منصور علی شاہ نے مسکراتے ہوئے استفسار کیا یہ کیس اب آئینی بنچ میں جائے گا یا ہم بھی سن سکتے ہیں،لگتا ہے یہ سوال ہر روز اٹھے گا کہ کیس عام بنچ سنے گا یا آئینی بنچ۔بیرسٹر فروغ نسیم نے کہاکہ سیاسی کیسز اب آئینی کیسز بن چکے ہیں۔
جسٹس عائشہ ملک نے مسکراتے ہوئے جواب دیاکہ چلیں جی اب آپ جانیں اور آپ کے آئینی بنچ، جسٹس منصور علی شاہ نے کہاکہ 3ہفتوں تک سماعت ملتوی کررہے ہیں، تب تک صورتحال واضح ہو جائے گی،جسٹس عائشہ ملک نے کہاکہ نئی ترمیم پڑھ لیں، آرٹیکل 199والا کیس یہاں نہیں سن سکتے،جسٹس منصور علی شاہ نے مسکراتے ہوئے ریمارکس دیئے کہ ہمیں خود سمجھنے میں ذراوقت لگے گا،سپریم کورٹ نے کیس کی سماعت 2ہفتوں کیلئے ملتوی کردی۔
اسلام آبادد (قدرت روزنامہ) سپریم کورٹ نے پی ٹی آئی انٹرا پارٹی الیکشن سے متعلق…
لاہور(قدرت روزنامہ)جماعت اسلامی نے 26ویں آئینی ترامیم چیلنج کرنے کاعندیہ دیدیا، حافظ نعیم الرحمان نے…
راولپنڈی (قدرت روزنامہ)راولپنڈی کی اڈیالہ جیل میں قیدیوں سے ملاقاتوں پر پابندی میں مزید توسیع…
اسلام آباد(قدرت روزنامہ)سپریم کورٹ نے تحریک انصاف کی انٹراپارٹی انتخابات سے متعلق نظرثانی درخواست خارج…
لاہور (قدرت روزنامہ)قومی کرکٹ ٹیم کے فاسٹ بولر محمد عامر نے سابق کپتان بابراعظم…
کراچی(قدرت روزنامہ )ملیر کورٹ نے علی زیدی کی پیشی کے موقع پر ہنگامہ آرائی کے…