کلکتہ(قدرت روزنامہ) بھارت کی مشہور گلوکارہ شریا گھوشال کے کولکتہ کنسرٹ میں اُن کے کہنے پر مداح نے سب کے سامنے اپنی محبوبہ کو پرپوز کردیا۔
شریا گھوشال ان دنوں اپنے ’’آل ہارٹس ٹور‘‘ کے دوران کولکتہ میں پرفارم کررہی ہیں۔ 19 اکتوبر کو کنسرٹ میں ایک پرستار نے ان کے کہنے پر اپنی محبوبہ کو سب کے سامنے پرپوز کیا اور شریا نے ان کے لیے ایک گانا بھی وقف کیا۔
سماجی رابطوں کی ویب سائٹ ایکس (ٹویٹر) پر ایک ویڈیو شیئر کی گئی ہے جو تیزی سے وائرل ہورہی ہے۔ ویڈیو میں دیکھا جاسکتا ہے کہ کنسرٹ کے دوران شریا نے پہلے اس شخص کو دیکھا جس نے ’’شریا، تم میری دوسری محبت ہو‘‘ کا پلے کارڈ اٹھایا ہوا تھا۔
شریا نے اس شخص کی طرف اشارہ کرکے پوچھا ’’پھر تمھارا پہلا پیار کون ہے؟‘‘ جس پر اس شخص نے اپنی خواہش کا اظہار کیا کہ وہ اپنی محبت کو پرپوز کرنا چاہتا ہے۔
گلوکارہ نے کہا کہ ’’کرنا ہے تو اچھے سے پرپوز کرو، تمھارے پاس ایک موقع ہے۔ ہر کوئی دیکھ رہا ہے، یہاں ہزاروں لوگ ہیں‘‘۔
اس ویڈیو پر انٹرنیٹ صارفین نے فوری ردعمل کا اظہار کیا۔ ایک صارف نے لکھا ’’یہ بہت دل خوش کن تھا، شریا ایک نگینہ ہے‘‘۔ شریا گھوشال نے بعد ازاں اس شخص کےلیے اپنا گانا ’’تجھ میں رب دِکھتا ہے‘‘ وقف کیا۔
لاہور (قدرت روزنامہ) قومی کرکٹ ٹیم کے دورہ آسٹریلیا اور زمبابوے کےلئے محمد رضوان وائٹ…
ممبئی(قدرت روزنامہ)بالی وڈ کے مداح جو سلمان خان کے مشہور کردار چلبل پانڈے اور اجے…
اسلام آباد (قدرت روزنامہ) پاکستان تحریک انصاف نے پارلیمانی کمیٹی برائے ججز تقرری کے لیے…
لاہور ( قدرت روزنامہ )”اپنی چھت……اپنا گھر“پروگرام کے تحت پنجاب بھر میں مکانوں کی تعمیر…
کراچی(قدرت روزنامہ)26 ویں آئینی ترمیم کو کراچی بار ایسوسی ایشن نے مسترد کر دیا۔ اعلامیے…
لندن (قدرت روزنامہ) دنیائے کرکٹ کے مایۂ ناز بلے باز ویرات کوہلی اور ان کی…