ممبئی (قدرت روزنامہ )بالی ووڈ کے سلطان سلمان خان کی بہن ارپیتا خان نے مبینہ طور پر بھائی کی جانب سے تحفے میں دیا گیا اپارٹمنٹ 22 کروڑ روپے میں فروخت کر دیا ہے۔
بھارتی میڈیا کے مطابق سلمان، سہیل اور ارباز خان کی گود لی گئی بہن ارپیتا خان کا یہ لگژری اپارٹمنٹ 2017 میں خریدا گیا تھا، جوکہ ممبئی کے پوش علاقے میں فلائنگ کارپٹ بلڈنگ میں واقع ہے۔
اطلاعات کے مطابق 2017 میں اس پراپرٹی کی قیمت تقریباً 18 کروڑ روپے تھی۔
بتایا جارہا ہے کہ 2500 مربع فٹ کا یہ اپارٹمنٹ نہ صرف بہت شاندار اور بڑا ہے بلکہ اس میں 1600 مربع فٹ کا ایک وسیع ٹیرس بھی شامل ہے۔
اس کے ساتھ ہی اپارٹمنٹ کے پاس نو گاڑیوں کی پارکنگ کی سہولت بھی موجود تھی۔
مختلف رپورٹس کے مطابق سلمان خان نے یہ فلیٹ ارپیتا خان شرما اور ان کے شوہر آیوش شرما کو تحفے میں دیا تھا۔
رپورٹ کے مطابق ارپیتا خان نے اپنا عالیشان اپارٹمنٹ Shivaya Cinewise Pvt Ltd کو فروخت کیا ہےاور یہ معاہدہ 10 اکتوبر 2024 کو مکمل ہوا۔
بتایا جارہا ہے کہ اس اعلیٰ درجے کی پراپرٹی کے باضابطہ لین دین کے لیے خریدار کو رجسٹریشن کی مد میں 30 ہزار روپے اور 1 اعشاریہ 32 کروڑ روپے اضافی اسٹامپ ڈیوٹی کی مد میں خرچ کرنا پڑا۔
واضح رہے کہ یہ پراپرٹی ممبئی کے ایک اہم علاقے میں واقع ہے، جو پالی ہل، باندرہ بینڈ اسٹینڈ، کارٹر روڈ اور جم خانہ کلب کے قریب ہے۔
اس علاقے میں بالی ووڈ کے کچھ بڑے ستارے جیسے شاہ رخ خان، سلمان خان، ریکھا، رنبیر کپور اور نصیرالدین شاہ بھی رہائش پذیر ہیں۔
اسلام آباد (قدرت روزنامہ)آئی ایم ایف نے رواں مالی سال 25- 2024 میں پاکستان میں…
لاہور (قدرت روزنامہ )پنجاب میں سکھ اور ہندو برادری کے لیے خوشخبری، وزیر اعلیٰ مریم…
لاہور (قدرت روزنامہ) وزیر اطلاعات پنجاب عظمٰی بخاری نے کہا ہے کہ علی امین گنڈا…
اسلام آباد(قدرت روزنامہ)سپریم کورٹ کے جسٹس یحییٰ آفریدی کو خصوصی پارلیمانی کمیٹی نے دوتہائی اکثریت…
لاہور( قدرت روزنامہ )”اپنی چھت ……اپنا گھر پروگرام“ کے تحت پہلی قسط کے اجرا ءکے…
اسلام آباد(قدرت روزنامہ)پارلیمان کی خصوصی کمیٹی نے جسٹس یحییٰ آفریدی کو اگلا چیف جسٹس آف…