پاکستان کا چین کی جانب سے الیکٹرک گاڑیاں متعارف کرانے کے فیصلے کا خیرمقدم

اسلام آباد (قدرت روزنامہ)وزیر خزانہ محمد اورنگزیب نے چینی کمپنی کی جانب سے پاکستان میں الیکٹرک گاڑیاں متعارف کرانے کے فیصلے کا خیر مقدم کیا ہے۔
دنیا بھر میں الیکٹرک گاڑیاں فروخت کرنے والی چینی کمپنی بی وائے ڈی نے پاکستان میں بی وائی ڈی سیل اور بی وائی ڈی ایٹو 3 متعارف کرائی ہے۔
وزیر خزانہ محمد اورنگزیب نے واشنگٹن میں چین کے نائب وزیر خزانہ سے ملاقات کی ہے جس دوران چینی گاڑیوں کے پاکستان میں متعارف کروانے کے فیصلے کا خیر مقدم کیا گیا۔
وزیر خزانہ نے چین کے نائب وزیر خزانہ سے کہا کہ پاکستان اور چین کے درمیان کرنسی سوئپ معاہدے کی حد کو بڑھا کر 40 ارب چینی یوآن کیا جائے۔
دوسری جانب وزیر خزانہ محمد اورنگزیب سے گوگل کے نائب صدر اور عالمی سربراہ برائے حکومتی امور کرن بھاٹیا کی ملاقات بھی ہوئی، دوران ملاقات کرن بھاٹیا نے ریگولیٹری، قانون سازی، کنیکٹیویٹی اور مالی مسائل پر بھی روشنی ڈالی۔
اس موقع پر وزیر خزانہ غیرملکی بینک کے عالمی سربراہ برائے کارپوریٹ سے بھی ملے، ساتھ ہی انہوں نے ویزا کمپنی کے ریجنل صدر سے بھی ملاقات کی۔