پنجاب حکومت کا 150 بنیادی مراکز صحت آؤٹ سورس کرنے کافیصلہ

لاہور (قدرت روزنامہ)پنجاب حکومت نے 150 بنیادی مراکز صحت اور رورل ہیلتھ سینٹر آؤٹ سورس کرنے کا فیصلہ کرلیا۔
ذرائع کے مطابق وزیراعلیٰ پنجاب مریم نواز کی سربراہی میں کچھ روز پہلے ہونے والے اجلاس میں مراکز صحت سے متعلق فیصلہ کیا گیا۔
ذرائع کے مطابق آؤٹ سورس کیے جانے والے مراکز صحت یا رورل ہیلتھ سینٹر کو وہاں کام کرنے والا ڈاکٹر یا کوئی اور ڈاکٹر یا این جی او بھی لے سکتی ہے۔
ذرائع کے مطابق پنجاب میں اس وقت 2800 بنیادی مراکز صحت اور رورل ہیلتھ سینٹرز ہیں، صوبائی حکومت پائلٹ پروجیکٹ کے طور پر یہ کام شروع کررہی ہے۔
اس بارے میں صوبائی وزیر خواجہ عمران نذیر نے کہا کہ ایسے مراکز آؤٹ سورس کیے جائیں گے، جن کے حالات خراب ہیں۔
انہوں نے مزید کہا کہ ڈاکٹر اور عملہ حکومت پنجاب کا ملازم ہی رہے گا، حکومت آؤٹ سورس مراکز کو فی مریض علاج اور دوا کے مناسب پیسے دے گی۔