کپتان رضوان نے آسٹریلیا سے شکست کے بعد اپنی کمزوریوں کا اعتراف کر لیا

ہم نے کچھ مواقع ضائع کیے اور قسمت آسٹریلیا کے ساتھ تھی، تو انہیں مبارکباد دیتے ہیں: محمد رضوان
میلبورن(قدرت روزنامہ)آسٹریلیا نے پاکستان کو انتہائی سنسنی خیز مرحلے کے بعد پہلے ون ڈے میچ میں پاکستان کو 2 وکٹوں سے شکست دیدی لیکن کپتان محمد رضوان ٹیم کی کارکردگی سے مطمئن دکھائی دیتے ہیں ۔
تفصیلات کے مطابق میچ کے بعد گفتگو کرتے ہوئے محمد رضوان کا کہناتھا کہ “مجھے لگتا ہے کہ ہم نے بہت اچھا کھیلا، ہمارے بولنگ گروپ نے یہ فیصلہ کیا کہ ہم پانچویں یا چھٹے بولر کو شامل نہیں کریں گے کیونکہ میچ کبھی 50 اوورز تک جانے والا نہیں تھا۔
انہوں نے کہا کہ ہم نے کچھ مواقع ضائع کیے اور قسمت آسٹریلیا کے ساتھ تھی، تو انہیں مبارکباد دیتے ہیں ، اس میچ سے کوئی خاص نتیجہ اخذ کرنا مشکل ہے، نتیجہ تو اللہ کے ہاتھ میں ہے، لیکن مجھے اس بات پر خوشی ہے کہ ہم نے بھرپور مقابلہ کیا۔
ان کا کہناتھا کہ ہم نے آسٹریلیا میں ہر جگہ پاکستان کے لیے کافی حمایت دیکھی ہے، اور یہاں بھی یہ حمایت نظر آئی، تو میں سب کا شکر گزار ہوں کہ وہ ہمیں سپورٹ کرنے آئے۔”