بھارتی اداکارہ کا مدینہ منورہ میں نکاح، تصاویر وائرل

اداکارہ بگ باس او ٹی ٹی 3 میں مقبول کنٹسٹنٹ رہ چکی ہیں
مدینہ (قدرت روزنامہ)بھارتی ادکارہ ثنا خان رشتہ ازدواج میں بندھ گئیں، انہوں نے مدینہ میں نکاح کیا ہے جس کی تصاویر سوشل میڈیا پر وائرل ہو رہی ہیں۔
رئیلٹی شو بگ باس او ٹی ٹی 3 کی مشہور کنٹسٹنٹ اداکارہ ثنا خان نے اپنے قریبی دوست واجد خان سے نکاح کیا ہے جبکہ نکاح مدینہ منورہ میں نہایت سادگی سے کیا گیا ہے جس میں چند قریبی رشتہ دار شریک ہوئے اداکارہ کے اس نکاح نے سب کی توجہ سمیٹ لی ہے۔

ثنا سلطان خان نے اپنے آفیشل انسٹاگرام اکاؤنٹ پر نکاح کی تصاویر اور ویڈیو اپلوڈ کی ہے اور کیپشن میں اپنے جذبات کا اظہار کیا ہے۔
اداکارہ نے لکھا کہ وہ بہت خوش ہیں کہ ان کا نکاح بلکل ویسا ہوا ہے جیسا انکا خواب تھا مدینہ جیسی بابرکت جگہ پر اور ایک ایسے شخص کے ساتھ جو ان کا خاص دوست اور بہترین انسان ہے۔ ثنا نے اپنے شوہر واجد کو اپنے لئے وٹامن ’ڈیبلیو‘ قرار دیا۔

اداکارہ نے مزید لکھا کہ نکاح محبت کی سب سے خالص شکل ہے وہ بےحد فخر محسوس کررہی ہیں کہ انہوں نے اپنی محبت کو حلال نکاح میں تبدیل کرلیا۔ ثنا نے مزید لکھا کہ دوست سے زندگی کے ساتھی بننے کا ہمارا سفر محبت، صبر اور ایمان کا ثبوت ہے۔
ثنا کے اس خوبصورت دن کی تصاویر اور ویڈیو سوشل میڈیا پر وائرل ہو رہی ہے ان کے مداح اور ساتھی فنکاروں کی جانب سے انہیں مبارکباد اور نیک تمناؤں کا اظہار کیا جارہا ہے۔