ٹرمپ کی صدارتی انتخابات میں کامیابی ؛وزیراعظم شہبازشریف سمیت دیگر کی مبارکباد

واشنگٹن(قدرت روزنامہ)امریکی صدارتی انتخابات میں کامیابی پر ڈونلڈٹرمپ کو دنیا بھر سے مبارکبادوں کا سلسلہ شروع ہو گیا۔

وزیراعظم شہبازشریف نے ڈونلڈ ٹرمپ کو امریکی صدر منتخب ہونے پر مبارکباد دیتے ہوئے کہاکہ نئی امریکی انتظامیہ کے ساتھ ملکر کام کرنے کے خواہاں ہیں،دوسری بار تاریخی کامیابی پر ڈونلڈٹرمپ کو مبارکباد دیتا ہوں۔

چیئرمین پیپلزپارٹی بلاول بھٹو کا اپنے پیغام میں کہناتھا کہ امید ہے ٹرمپ انتظامیہ عالمی تنازعات ختم کرنے میں کردار ادا کرے گی،امید ہے نئی امریکی انتظامیہ امن کو ترجیح دے گی۔

برطانوی وزیراعظم نے اپنے مبارکباد پیغام میں کہا کہ ٹرمپ کیساتھ کام کرنے کےمنتظر ہیں،یوکرین ، ہنگری ،فرانسیسی صدر ،اٹلی،چیک ری پبلک کے وزیراعظم ،نیٹو اتحاد اورآسٹرین چانسلرنے ٹرمپ کوانتخابات میں کامیابی پر مبارکباد دی ہے۔

اسرائیلی وزیراعظم نے اپنے پیغام میں کہا ہے کہ ٹرمپ کی وائٹ ہاؤس میں واپسی امریکا کیلئے نیا آغاز ہے،ٹرمپ کی واپسی، اسرائیل اور امریکا کے عظیم اتحاد کے عزم کا اعادہ ہے۔