چئیرمین پی سی بی محسن نقوی کا قذافی سٹیڈیم اپ گریڈیشن پراجیکٹ کے تعمیراتی کاموں کا جائزہ

لاہور(قدرت روزنامہ)قذافی سٹیڈیم اپ گریڈیشن پراجیکٹ تیزی سے تکمیل کی جانب بڑھ رہا ہے۔100 سے زائد گاڑیوں کی پارکنگ کے لئے بیسمنٹ کومکمل کر لیا گیا ہے۔ انکلوژرز میں نئی نشستوں کے لئے سٹرکچر کا کام شروع ہو گیا ہے۔چئیرمین پاکستان کرکٹ بورڈ محسن نقوی نے سٹیڈیم کا دورہ کیا۔چئیرمین پی سی بی محسن نقوی نے مین بلڈنگ اور انکلوژرز میں تعمیراتی کاموں کا معائنہ بھی کیا. چئیرمین پی سی بی محسن نقوی نے فلورز میں جاری کاموں کا جائزہ لیا اور کمروں میں ٹائلز کی تنصیب بھی شروع ہو گئی ہے۔چئیرمین پی سی بی محسن نقوی نے خندق کے گرد گرل کو دیدہ زیب بنانے کی ہدایت کرتے ہوئے کہا کہ گرل کی تنصیب سے شائقین کرکٹ کا میچ دیکھنے کا ویو متاثر نہیں ہونا چاہیئے۔چئیرمین پی سی بی محسن نقوی نے فار اینڈ پر انکلوژرز میں نشستوں کی تعمیر کے لیے بنائے جانے والے سٹرکچر کا بھی معائنہ کیا ۔ چئیرمین پاکستان کرکٹ بورڈ محسن نقوی نے تعمیراتی کاموں پر پیش رفت پر اطمینان کا اظہار کیا۔ چیئرمین پی سی بی محسن نقوی نے کہا کہ انشاء اللہ پراجیکٹ وقت پر مکمل ہو گا۔پوری ٹیم دن رات محنت کر رہی ہے ۔ چئیرمین پی سی بی محسن نقوی نے پراجیکٹ کے حوالے سے ایف ڈبلیو او کے حکام کو ہدایات دیں۔پراجیکٹ ڈائریکٹر ایف ڈبلیو او نے پراجیکٹ پر پیش رفت کے بارے میں بریفنگ دی،ایڈوائزر عامر میر، بلال افضل، چیف آپریٹنگ آفیسر سلمان نصیر، ڈائریکٹرز انفراسٹرکچر، ڈومیسٹک کرکٹ، نیسپاک، ایف ڈبلیو او کے متعلقہ حکام بھی اس موقع پر موجود تھے۔