محکمہ موسمیات نے ہلکی سے درمیانی بارش کی نوید سنا دی

اسلام آباد (قدرت روزنامہ) محکمہ موسمیات نے ہلکی سے درمیانی بارش کی نوید سنا دی، بالائی علاقوں میں پہاڑوں پر ہلکی برفباری کا امکان ہے .

نیشنل ویدر فورکاسٹنگ سنٹر کے مطابق آج ملک کے بیشتر علاقوں میں موسم خشک جبکہ پہاڑی علاقوں میں صبح/ رات کےاوقات میں سرد رہنے کا امکان ہے تاہم گلگت بلتستان اور بالائی خیبرپختونخوا میں مطلع جزوی ابر آلود رہنے کے علاوہ چند مقا مات پر ہلکی سے درمیانی بارش اور بلند و بالاپہاڑوں پر ہلکی برفباری کی توقع ہے .

پیر کو گلگت بلتستان، کشمیر، بالائی خیبر پختونخوا اور مری، گلیات، میں مطلع ابر آلود رہنے کے علاوہ بارش(پہاڑوں پر ہلکی بارفباری) کا امکان ہے جبکہ خطہ پوٹھوہار اور شمال مشرقی پنجاب میں مطلع جزوی ابر آلود رہنے کے علاوہ چند مقامات پر تیز ہواؤں اورگرج چمک کے ساتھ بارش کی توقع ہے . ملک کے دیگرعلاقوں میں موسم خشک رہنے کا امکان ہے . تاہم پنجاب کے بیشتر میدانی علاقوں میں سموگ / دُ ھند کا امکان ہے . پنجاب کے زیادہ تر علاقوں میں سموگ چھائے رہنے جبکہ چندمیدانی علاقوں میں صبح /رات کے اوقات میں دُ ھند بعض علاقوں میں شدید دُ ھند پڑنے کا بھی امکان ہے .

محکمہ موسمیات کے مطابق آج لاہور شہر کا کم سے کم درجہ حرارت 19 جبکہ زیادہ سے زیادہ 29 ڈگری سینٹی گریڈ تک جانے کا امکان ہے، ہوا میں نمی کا تناسب 93 فیصد تک جا پہنچا ہے، ہوا کی رفتار 5 کلو میٹر فی گھنٹہ ریکارڈ کی گئی ہے .