چیئرمین پی سی بی کی شاہین شاہ آفریدی اور بابر اعظم کو ون ڈے رینکنگ میں پہلی پوزیشن پر پہنچنے پر مبارکباد

لاہور(قدرت روزنامہ)بابر اعظم کی آئی سی سی ون ڈے بیٹنگ رینکنگ میں نمایاں کامیابی کے بعد، تیز گیند باز شاہین شاہ آفریدی نے بھی آئی سی سی ون ڈے بولنگ رینکنگ میں پہلی پوزیشن حاصل کر لی ہے۔ چیئرمین پی سی بی محسن نقوی نے شاہین شاہ آفریدی اور بابر اعظم کو اس شاندار کامیابی پر دل کی گہرائیوں سے مبارکباد پیش کی۔

چیئرمین پی سی بی محسن نقوی کا کہنا تھا، “ون ڈے بیٹنگ اور بولنگ رینکنگ میں پہلی پوزیشن حاصل کرنا پاکستان کی بین الاقوامی سطح پر مسلسل ترقی اور کامیابی کا ثبوت ہے۔ یہ کامیابی پوری قوم کے لیے فخر کا باعث ہے۔”