مجھے ایسی بیماری ہے جس کا علاج دنیا کے صرف 2ممالک میں ہے،مریم نواز

لندن(قدرت روزنامہ)وزیر اعلیٰ پنجاب مریم نواز کا کہنا ہے ن لیگ کی حکومت ختم کردی جاتی ہے تو پاکستان کی ترقی رک جاتی ہے۔

نجی ٹی وی چینل ہم نیوز کے مطابق لندن میں میڈیا سے گفتگو کرتے ہوئے انہوں نے کہا مخالفین کےپاس بولنے کیلئے کچھ نہیں،تنقید صرف اس بات پر کی جاتی ہے آپ کے پاس کپڑے کون سےہیں،پرس کون ساہے؟سیاسی رہنماؤں کے خلاف گالم گلوچ کی جارہی ہے ،لندن میں چھوٹے چھوٹے بچے گاڑیوں کے پیچھے بھاگ رہےہیں ،مجھے کہاجارہاہے پاکستان میں علاج کیوں نہیں کراتیں؟مجھے ایسی بیماری ہے جس کا علاج دنیا کے صرف 2ممالک میں ہے۔سوشل میڈیا پر کہاگیاکہ مجھے کینسر ہوگیاہے جو بالکل غلط ہے۔

انہوں نے مزید کہا پنجاب میں 25روپے والی روٹی کو 12روپے پر لے کر آئےہیں،پنجاب کی ترقی کے لیے دن رات کام کررہےہیں۔مخالفین کا کام تنقید کرناہےمگر تنقید بھی درست انداز میں کریں،پنجاب میں مزدوروں،کسانوں اور دیگر طبقے کے لوگوں کیلئے کام کررہےہیں۔

پاکستان کے حالات بدل رہےہیں،لوگوں کی زندگی میں آسانیاں آرہی ہیں،تحریک انصاف نے باربار احتجاج کی کال دی مگر کوئی لوگ نہیں آئے،تحریک انصاف کو مجبورا خیبرپختونخوا سے لوگوں کو لاناپڑا۔