کوئٹہ سے دیگر شہروں کیلئے ٹرین سروس 4 روز بعد بحال

کوئٹہ(قدرت روزنامہ)امن وامان کے پیشِ نظر معطل کی گئی کوئٹہ سے اندورنِ ملک ٹرین سروس آج سے بحال کر دی گئی۔

ریلوے حکام کے مطابق پشاور کیلئے جعفر ایکسپریس آج صبح 9 بجے روانہ ہوئی جبکہ چمن کیلئے ٹرین آج بھی معطل رہے گی۔

محکمہ ریلویز نے کوئٹہ سٹیشن پر بم دھماکے کے بعد امن و امان کے پیش نظر دیگر شہروں کیلئے ٹرین سروس معطل کی تھی۔ جسے 4 روز بعد بحال کر دیا گیا۔

یاد رہے کہ ہفتے کو کوئٹہ ریلوے سٹیشن پر بم دھماکے میں 28 افراد جاں بحق اور 60 سے زائد زخمی ہو گئے تھے۔