محمد رضوان نے دوسرے ٹی ٹوئنٹی میچ میں شکست کی وجہ بتا دی

گابا(قدرت روزنامہ)قومی کرکٹ ٹیم کے کپتان محمد رضوان نے آسٹریلیا کے خلاف میچ کے بعد کھلاڑیوں کی کارکردگی کو سراہتے ہوئے کہا، "اگر ہم مثبت پہلو دیکھیں تو لڑکوں نے بہت اچھی بولنگ کی . ہمیں معلوم ہے کہ آسٹریلیا آسان ٹیم نہیں ہے؛ اگر ہم انہیں مواقع دیں گے تو وہ فائدہ اٹھائیں گے .

لیکن تمام کھلاڑیوں نے زبردست کارکردگی دکھائی . انہوں نے مزید کہامیں خود کو ہمیشہ حالات کے مطابق تیار کرتا ہوں اور وہی حکمت عملی اپناتا ہوں جو میچ کے تقاضے کے مطابق ہو . کپتان نے اپنی ٹیم کے کھلاڑیوں کو میچ میں بہترین جذبے کے ساتھ کھیلنے پر سراہا اور مستقبل کے میچز میں مزید بہتری کا عزم ظاہر کیا .

محمد رضوان نے کہا کہ کیچز ڈراپ کرنا شکست کی وجہ بنا ہے . انہوں نے کہا کہ میچ میں ہمارے بولرز نے عمدہ بولنگ کی مگر جب کیچز ڈراپ ہوں تو جیت مشکل ہوجاتی ہے . پاکستانی ٹیم کے کپتان نے مزید کہا کہ جانتے تھے پچ بیٹنگ کےلیے ساز گار نہیں، عثمان خان اور عرفان خان نے اچھی بیٹنگ کی .