تحریک انصاف کے 4 بڑے مطالبات کیا ہیں ۔۔۔؟ اسد قیصر نے تفصیلات بتا دیں

اسلام آباد (قدرت روزنامہ )پاکستان تحریک انصاف (پی ٹی آئی) کے سینئر رہنما اور سابق سپیکر قومی اسمبلی اسد قیصر نے 4 بڑے مطالبات گنوا دیئے۔

اسلام آباد سے جاری بیان میں اسد قیصر نے کہا کہ ہمارے 4 بڑے مطالبات ہیں، جن میں پہلا بانی پی ٹی آئی سمیت تمام بے گناہ سیاسی قیدیوں کی رہائی ہے۔

ہمارا دوسرا مطالبہ ہے کہ ہمارا مینڈیٹ چوری کیا گیا ہے، اس کو واپس کیا جائے۔

تیسرا مطالبہ ہے کہ ملک میں آئین اور قانون کا نفاذ کیا جائے۔

چوتھا مطالبہ ہے افغانستان کے ساتھ تجارت کو بحال کیا جائے۔

“جنگ ” کے مطابق اسد قیصر نے کہا کہ پاکستان میں آئین معطل، پارلیمان اور نہ عدالت کی کوئی حیثیت رہی ہے۔ بانی پی ٹی آئی نے کال دی ہے تو پوری قوم نکلے گی، ملک میں اس وقت جس کے پاس طاقت ہے اس کے پاس اختیار ہے۔ پارلیمان پر حملہ ہوتا ہے اور ارکان اسمبلی کو گرفتار کیا جاتا ہے، ہمارے لیڈر کو جیل میں رکھا گیا ہے، کوئی ایسا کیس نہیں ہے، جس میں انہیں اندر رکھا جائے۔

ان کا کہنا تھا کہ ملک میں اس وقت کسان رل رہا ہے، انڈسٹری بند ہو رہی ہے اور کوئی بھی سرمایہ کاری کےلیے تیار نہیں ہے۔